ရုပ်ရှင်နှင့် ဇာတ်သဘင်လောကမှာ ကျွန်တော်ချစ်သော အမျိုးသားအနုပညာရှင် ဤ( ၄ )ဦး မှတစ်ပါး အခြားမရှိနိုင်တော့ပါ..။ ကိုသားကြီးရဲ့ခေတ်ကို မှီခဲ့တဲ့သူတိုင်း ကိုသားကြီးကို အမှတ်ရနေဦးမယ် ထင်ပါတယ်။ ဒွေး မရှိတော့တဲ့နောက်ပိုင်း တခြားရုပ်ရှင်မင်းသားတွေ သူ့နေရာနဲ့သူကောင်းကြပေမယ့် ဒွေး ကို ယှဥ်နိုင်တဲ့သူတော့ အခုချိန်ထိ တစ်ယောက်မှ မပေါ်လာသေးပါဘူး..။ အထူးသဖြင့် ကိုသားကြီးရဲ့ အကြည့် နဲ့ အပြုံးကို ဘယ်သူမှ မယှဥ်နိုင်ကြသေးဘူးလို့ ဆိုရမှာပေါ့..။ ကိုဖိုးချစ်ကတော့ အထူးပြောစရာစကား မရှိပါဘူး..။ အကလည်းလှသလို အတည်ဓါတ်ကြီးနဲ့ ဟာသဉာဏ်လည်းရွှင်တဲ့ ဇာတ်မင်းသားကြီးမို့ အနုပညာကိုချစ်မြတ်နိုးတဲ့သူတွေရဲ့ ရင်ထဲမှာ ကိုဖိုးချစ်အတွက် တစ်နေရာစာတော့ အမြဲရှိနေကြလိမ့်မယ် ထင်ပါတယ်..။ ကိုစွမ်းဇာနည်လည်း ထိုနည်းတူပါပဲ.. ရုပ်ရည်ချောမောသလို အကလည်းတော်တဲ့သူမို့ သူ့ကိုချစ်တဲ့ ပရိသတ်တွေက အခုချိန်ထိ အခိုင်အမာရှိနေဆဲပါပဲ။ ကိုစွမ်းဇာနည် ဇာတ်ပြန်မကရင် ဇာတ်ပွဲတွေမကြည့်တော့ဘူးဆိုတဲ့ "စွမ်းမှစွမ်း" အမာခံဖန်တွေထိပါ ရှိနေပါသေးတယ်..။ စမ်းရေမိုးက လက်ရှိ အအောင်မြင်ဆုံးနဲ့ လူကြိုက်အများဆုံး မင်းသားမို့ သူ့အကြောင်းလည်း အများကြီးပြောပြစရာ လိုမယ်မထင်ပါဘူး..။ သူ "က"တဲ့အခါ လှုပ်ရှားမှုတိုင်းက အနုပညာဆန်သလို ဆိုလိုက်တဲ့သီချင်းတိုင်းလည်း ရင်ထဲကိုတန်းရောက်အောင်ဆိုနိုင်တဲ့သူဖြစ်လို့ တကယ်ကို သဘောကျမိပါတယ်..။ အနုပညာကို ချစ်မြတ်နိုးသူတိုင်း ကျွန်တော်နဲ့ထပ်တူကျ လိမ့်မယ်လို့ ထင်ပါတယ်..။ #ဒွေး#ဖိုးချစ် #စွမ်းဇာနည်#စမ်းရေမိုး #SanYayMoe - @aungyeoo79