@qazaqstan.tv_: «Қазақстанда 40 көлік жуу орталығына айыппұл салынды» «Ашық алаң» бағдарламасында ҚР Су ресурстары және ирригация министрлігі Жерасты сулары департаментінің директоры Жайық Ерікұлы көлік жуу орталықтарында суды заңсыз пайдалану және су ресурстарын үнемдеу мәселесіне тоқталды. Оның айтуынша, жыл басынан бері жерасты суын рұқсатсыз пайдаланған 40 кәсіпкерге айыппұл салынған. Қазақстанда 3 мыңға жуық көлік жуу орталығы болса, соның 400-інде ғана суды қайта тазалап пайдаланатын қондырғылар бар. Сондай-ақ Су кодексіне сәйкес, 2027 жылға дейін айналмалы және қайталама су пайдалану технологияларына көшу көзделген. Мұндай жүйелер судың 60–70 пайызын қайта пайдалануға мүмкіндік береді. «Бір көлікті жууға орта есеппен 80-нен 350 литрге дейін су жұмсалады. Ал арнайы қондырғы арқылы пайдаланылған судың 60–70 пайызын тазартып, қайта қолдануға болады. Бұл суды айтарлықтай үнемдеуге мүмкіндік береді», – деді Жайық Ерікұлы.

«Qazaqstan» телеарнасы

Open In TikTok:

Region: KZ

Friday 06 November 2026 16:04:06 GMT