@kaskarauovdaniyar: 🟣 «Әділет» партиясы Алматы облысында кәсіпкерлікті дамытуға басымдық бермек «Әділет» партиясынан Алматы облыстық мәслихат депутаттығына кандидаттар Данияр Қасқарауов, Ержан Игибаев, Айдар Сарипов, Димаш Бегілдаш және Бахтияр Ярмахамбетов Талғар қаласындағы Агробизнес колледжінің еңбек ұжымымен кездесті. Жиында партияның Алматы облысы бойынша 2026–2031 жылдарға арналған сайлауалды бағдарламасы таныстырылып, кәсіпкерлікті қолдау, жаңа жұмыс орындарын ашу және агробизнес саласын дамыту мәселелері талқыланды. 🟣 Кездесуде Данияр Қасқарауов бағдарламаның негізгі бағыттарына тоқталды. Алдағы бес жылда өңірде 53 220 жаңа жұмыс орнын құру, орта бизнестің жалпы өңірлік өнімдегі үлесін 7,2%-дан 19,8%-ға жеткізу жоспарланған. Сонымен қатар «Іскер аймақ» бағдарламасы аясында шағын қалалар мен ауылдардағы 120 бизнес-жобаны қолдауға 18,4 млрд теңге бағыттау, әлеуметтік кәсіпкерлерге 363 мемлекеттік грант беру көзделген. 🟣 Айдар Сарипов Президент Қасым-Жомарт Тоқаевтың жуырдағы Жолдауында көтерілген кәсіпкерлікті қолдау бастамаларына назар аударды. 💬 Жақында Мемлекет басшысы өз Жолдауында 2027 жылғы 1 қаңтардан бастап микро және шағын бизнесті тексеруге үш жылдық мораторий енгізу мүмкіндігін талқылауды ұсынған болатын. Бұл – кәсіпкерлерге түсетін әкімшілік жүктемені азайтуға бағытталған бастама. Біздің сайлауалды бағдарламамызда да бизнесті қолдауға ерекше мән берілген. Атап айтқанда, кәсіпкерлердің қаржыландыруға қолжетімділігін кеңейту, ауылдағы бизнес-жобаларды қолдау және жаңа жұмыс орындарын ашу бойынша нақты міндеттер қойылған», – деді Айдар Сарипов. Кездесуде ауыл шаруашылығы саласына да назар аударылды. Партия бағдарламасына сәйкес, Алматы облысында агроөнеркәсіп кешенінде кемінде 47 инвестициялық жобаны жүзеге асыру көзделген. Жиын соңында колледж ұжымымен кәсіптік білім беру, жастарды жұмыспен қамту және еңбек нарығына қажетті мамандар даярлау мәселелері талқыланды.

Данияр Қасқарауов

Open In TikTok:

Region: KZ

Friday 06 November 2026 19:27:22 GMT