@phnowtiktok: “20 YEARS SA PUWESTO!” — CONTENT CREATOR, GUSTONG PAHABAIN ANG TERMINO NI MARCOS Usap-usapan ngayon ang panukala ng isang content creator na pahabain hanggang 20 taon ang panunungkulan ni Pangulong Ferdinand “Bongbong” Marcos Jr. Sa isang social media post, ibinahagi ni Ronaldo Tovera ang kaniyang pananaw na mas magkakaroon umano ng pagkakataong umunlad ang Pilipinas kung hindi palaging nagpapalit-palit ng liderato ang bansa. Para kay Tovera, isa umano sa mga dahilan kung bakit nahihirapang magkaroon ng tuloy-tuloy na pag-unlad ang Pilipinas ay ang pagpapalit ng administrasyon tuwing matatapos ang termino ng isang pangulo. Dahil dito, iminungkahi niyang gawing 20 taon ang panunungkulan ni Marcos Jr., sa halip na manatili sa kasalukuyang limitasyon. Gayunman, hindi ito maaaring basta-basta ipatupad dahil malinaw na itinatakda ng 1987 Philippine Constitution na anim na taon lamang ang termino ng isang pangulo at hindi ito maaaring muling mahalal. Kakailanganin muna ang isang proseso ng pagbabago sa Saligang Batas upang mabago ang kasalukuyang probisyon. Matatandaang umabot naman sa 20 taon ang panunungkulan ng ama ng kasalukuyang Pangulo na si dating Pangulong Ferdinand Marcos Sr., mula 1965 hanggang 1986, kabilang ang panahon ng Batas Militar. Sa ngayon, panukala at personal na pananaw pa lamang ito ni Tovera at wala pang opisyal na hakbang ang pamahalaan upang gawing 20 taon ang termino ng Pangulo. Ikaw, sang-ayon ka ba na pahabain ang termino ng Pangulo upang magkaroon ng mas mahabang panahon para maisakatuparan ang kaniyang mga programa, o mas nararapat na manatili ang kasalukuyang anim na taong limitasyon? #BongbongMarcos #BBM #phnow

PH Now

Open In TikTok:

Region: PH

Friday 06 November 2026 19:34:35 GMT