@cookwithhajar1: ومن أجمل النعم إن ربي رزقني بمرت أخو مثل أشجان،قلبها حلو وفرحتها لي دايم توصلني، كل يوم أكتشف قد إيش أنا محظوظة بالناس اللي حولي، وبالقلوب اللي تفرح لي من قلبها وتخليني أحس إن فرحتي فرحتهم. أشجان الله يسعد قلبك مثل ما أسعدتيني، ممتنة لك ولمحبتك، الله يديمك لي ولا يحرمني منك. الحمدلله على نعمة الناس الحلوة 🥹🤍 تشيز البسبوسة: المقادير والطريقة الطبقة الأولى – البسكوت: 400 غرام بسكوت مطحون. 100 غرام زبدة مذابة. ملعقتين كبيرة موية. خلطت البسكوت مع الزبدة والموية، ورصّيته في قاع الصينية. الطبقة الثانية – التشيز: علبتين زبادي. 8 حبات جبن كريمي. كوبين حليب بودرة. كوب سكر. نصف كوب كريمة خفق. خلطت جميع المكونات مع بعض لين صار الخليط ناعم، وصبيته فوق طبقة البسكوت، ودخلت الصينية الفرن لين تماسكت الطبقة. الطبقة الثالثة – البسبوسة: بيضة. فانيلا. علبة قشطة. نص علبة سكر. نص علبة حليب بودرة. نص علبة زيت. علبة سميد. نص علبة موية. ملعقة صغيرة باكنج باودر. خلطت جميع المكونات مع بعض، وبعد ما تماسكت طبقة التشيز صبيت خليط البسبوسة فوقها، ورجعتها للفرن لين تحمرت وصار لونها ذهبي. التشريبة: حليب مكثف محلى مخفف بحليب مبخر، وسقيت فيه البسبوسة بعد ما طلعتها من الفرن دخلتها الثلاجة ٤ ساعات وقطعتها ،وبس بالعافية 🤍 مقاس الصينية 25 × 25 سم. #تشيز_البسبوسة #تشيز_كيك

هاجر

Open In TikTok:

Region: SA

Friday 06 November 2026 23:28:21 GMT