@abantenews: Nahaharap sa mga kasong grave threats at physical injuries ang isang pulis matapos umanong bunutin ang kanyang service firearm at sipain ang isang e-bike driver sa Tondo, Maynila madaling-araw ng Huwebes, Nobyembre 5. Ang suspek na 30-anyos na patrolman, nakatalaga sa District Mobile Force Battalion ng Northern Police District (NPD-DMFB), ay inaresto ng mga tauhan ng Raxabago Police Station ng Manila Police District. Batay sa imbestigasyon ng pulisya, kapaparada lamang umano ng 35-anyos na biktima sa kanto ng Juan Luna at Villafojas Sts., sa Brgy. 147, bandang alas-3:30 ng madaling-araw nang sa hindi malamang dahilan ay biglang nagalit sa kanya ang nasabing pulis. Sinubukan umano ng biktima na lumayo na lamang ngunit binunot umano ng huli ang kanyang service firearm, hinabol siya at sinipa. Dahil dito, iniulat ng biktima ang insidente sa Brgy. 147, at Pritil Police Community Precinct kung saan kusa namang sumuko ang pulis. Kinumpiska sa pulis ang service-issued Pietro Beretta pistol kasama ang isang magazine at 13 bala.

Abante News

Open In TikTok:

Region: PH

Saturday 07 November 2026 01:09:39 GMT