@saba.awad.alla: زمان صحبتي قالت لي جملة لحدي هسي ما نسيتها: «البعجبني فيك إنك ما بتخسري الناس، وما بتنّزلي مستواك عشان زول… إنتِ بس بتنّزلي رتبتهم جوه قلبك.» وقتها يمكن ما فهمت عمق كلامها، لكن مع الزمن فهمت. في ناس ما محتاجين نكرههم عشان نبعد منهم، ولا محتاجين نعاتبهم كل مرة عشان نعرف مقامهم الحقيقي. مرات كل الحاصل إنك بتشوف الزول على حقيقتو، وبتعرف إنو المكان الإدّيتو ليهو كان أكبر من مكانو الحقيقي. فتسكت… وتتعامل بأدب… وتخلي الباب موارب، لكن ما ترجع تدي نفس المساحة. لأنو النضج ما إنك تخسر الناس، النضج إنك تعرف منو يستحق يكون قريب، ومنو مكانو يكون بعيد… من غير ما تخسر نفسك في الحكاية. 🤍

Saba Awad Alla

Open In TikTok:

Region: SD

Saturday 07 November 2026 09:50:10 GMT