@baw4a.gya4n0: وتت خەیاڵت ئاسوودە بێت لە هەر کوێ بیت دێم بە دوای سێبەرەکەتدا، تەنانەت ئەگەر هەموو دونیاش لە نێوانماندا بووەستێت من هەر ڕێگایەک دەگرمەبەر بۆ ئەوەی بگەمە لات، وتت هیچ دوورییەک ناتوانێت ئەو دڵانە لە یەکتر جیا بکاتەوە کە بە ڕاستی یەکتریان خۆش ویستووە، منیش باوەڕم پێکردیت و هەموو هیوای ژیانم بەو قسانەوە بەستەوە، نەمدەزانی ڕۆژێک دێت کە هەمان ئەو قسانە ببنە هۆی ئەوەی شەوان بە بیرکردنەوەت بێدار بم و بەیانی بە یادەوەرییەکانت چاوم بکەمەوە...منیش ڕاهاتبووم لەگەڵت، ڕاهاتبووم بە بوونت، بە دەنگت، بە قسەکردنت، بەوەی هەر کاتێک دڵم تەنگ دەبوو تۆ یەکەم کەس بوویت کە دەمویست قسەت لەگەڵ بکەم، ڕاهاتبووم بەوەی کە هەر شتێکی ڕوویدا بۆت بگێڕمەوە، بەوەی کە هەر خەونێکم هەبوو ناوی تۆی لەگەڵدا دەهێنا، تەنانەت ئەگەر هەموو شتێک دژ بە من بوایە بوونی تۆ بەس بوو بۆ ئەوەی هەست بکەم هێشتا هیوایەک هەیە...ئێستا چەند ماوەیەکە دووریت ڕۆیشتیت و وتت مەجبوورم، بەڵام نەزانت کە ئەو وشەیە چەند قورس بوو بۆ کەسێک کە هەموو ژیانی بە بوونی تۆوە گرێ دابوو، نەزانت کە دوای ڕۆیشتنت چەند جار بە خۆم گوتووە لەوانەیە سبەی بگەڕێتەوە، لەوانەیە ئەمجارەش هەڵە تێگەیشتبم، لەوانەیە هێشتا ئەو هەموو بەڵێنەی پێی دام لەبیر نەکردبێت...کێ وەک من دەبێت بۆت؟ کێ وەک من بە هەموو کەموکوڕییەکانتەوە خۆشی ویستویت؟ کێ وەک من لە کاتی دووریتدا هێشتا بە ناوی تۆ دڵی ئارام دەبێتەوە؟ کێ دەتوانێت ئەو هەموو یادەی لەگەڵت هەیە لە ناخیدا بپارێزێت و بە هیچ شتێک نەیگۆڕێتەوە؟ من نەمدەویست ببمە بەشێک لە ڕابردووت من دەمویست هەمیشە بەشێک بم لە داهاتووت...دوای تۆ ئەم ماڵە چییە جگە لە چوار دیوارێکی بێدەنگ کە هەر یەکەیان یادێکی لەگەڵ خۆیدا هەڵگرتووە، ئەو شوێنەی جارێک پێکەوە دادەنیشتین ئێستا تەنها شوێنێکی بەتاڵە، ئەو دەرگایەی جارێک بە خۆشی چاوەڕێی هاتنت دەبووم ئێستا هەر بە بێدەنگی دەکرێتەوە و دادەخرێتەوە، ئەو گوێشانەی جارێک پڕ بوون لە قسە و پێکەنین ئێستا هیچ دەنگێکیان تێدا نییە، هەر شتێک لەم ماڵەدا هەیە بەڵام ئەو شتەی کە من پێویستم پێیەتی لێرە نییە...چەند جارە بە خۆم دەڵێم ئەمڕۆ چیتر چاوەڕێت نابم، چیتر بە بیرکردنەوەت شەوان بەسەر نابەم، چیتر هەر دەنگێک لە دەرەوە بیبیستم دڵم بە هیوای هاتنەوەت نالەرزێت، بەڵام هەر کاتێک شەو دێت و بێدەنگی باڵ بەسەر ماڵەکەدا دەکێشێت هەموو ئەو بیرانە دەگەڕێنەوە، هەموو ئەو قسانەی نەمتوانی پێت بڵێم دەبنەوە بە پرسیارێک لە ناخمدا و منیش وەڵامێکم بۆ هیچ کامیان نییە...خۆزگە جارێکی تر وەک جاران قسەمان بکردایە، خۆزگە..#نەمویسط #brokeennnnnnn #ba7reeeeeeee

مـچـی،

Open In TikTok:

Region: IQ

Saturday 07 November 2026 10:35:37 GMT