@dalaqparat: «Әділет» партиясының Шымкент қалалық филиалына жаңа төраға тағайындалды. Енді, бұл жауапты міндетті Таймас Заманбекұлы Қамбатыров атқаратын болады. Таймас Заманбекұлы – осы уақытқа дейін Еңбекші аудандық партия филиалына жетекшілік етіп, өзін іскерлігімен, ұйымдастырушылық қабілетімен және азаматтық белсенділігімен таныта білген азамат. Инженерлік саладан бастап кәсіпкерлікке дейінгі жолда мол тәжірибе жинақтаған, басшылық қызметтің де қыр-сырын жақсы меңгерген тұлға. Меніңше, бұл тағайындау – азаматтың осы уақытқа дейінгі еңбегіне берілген лайықты баға, әрі үлкен сенім. Өйткені, партия жұмысы дегеніміз - тек саяси науқандарға қатысу немесе жиындар өткізумен шектелмейді. Ең бастысы – халықпен етене жұмыс істеу, елдің мұң-мұқтажын тыңдау, қоғамдағы өзекті мәселелерге бейжай қарамау және нақты нәтижеге қол жеткізу. Шымкент секілді қарқынды дамып келе жатқан мегаполисте партия филиалының жұмысы да заман талабына сай болуы керек. Осы тұрғыдан алғанда, Таймас Заманбекұлының жаңа қызметте тың бастамалар көтеріп, партияның қоғамдық өмірдегі белсенділігін арттыратынына сенім мол. Таймас бауырымызды жаңа қызметімен шын жүректен құттықтаймын! Абырой биігінен көрініп, ел сенімін ақтап, Шымкенттің дамуына өзіндік үлесін қоса берсін! Жаңа басшыға – жаңа міндет, жаңа серпін, жаңа жетістіктер тілейміз! #дәлақпарат #dalaqparat #депутат #әділет #реккешығарыпжберіңдерш

DAL AQPARAT (DA)

Open In TikTok:

Region: KZ

Saturday 07 November 2026 10:44:28 GMT