@kgmalay1992: စကားမပြောဖြစ်ကြတာကလွဲပြီး ကျန်တာအားလုံး ပုံမှန်ပါပဲ။ နေ့တိုင်းလည်း ပုံမှန်အတိုင်း နိုးထတယ်။ ကိုယ့်အလုပ်ကိုယ်လုပ်တယ်။ ရယ်စရာရှိရင် ရယ်ဖြစ်တယ်။ ပျော်စရာရှိရင်လည်း ပျော်သလို နေဖြစ်ပါတယ်။ အပြင်ပန်းကြည့်ရင် ဘာမှမပြောင်းလဲသွားသလိုပါပဲ။ ဒါပေမဲ့ တကယ်တမ်းတော့ အရာအားလုံးက မင်းနဲ့စကားမပြောဖြစ်တော့တဲ့နေ့ကစပြီး ပြောင်းလဲသွားခဲ့တာပါ။ အရင်ကဆို တစ်နေ့တာ ဘာတွေဖြစ်ခဲ့လဲဆိုတာ မင်းကို ပြောပြချင်ခဲ့တယ်။ ပျော်စရာရှိရင် အတူရယ်ချင်ခဲ့တယ်။ စိတ်ညစ်စရာရှိရင် မင်းဆီမှာ ရင်ဖွင့်ချင်ခဲ့တယ်။ အခုတော့ ပြောပြချင်တဲ့အကြောင်းအရာတွေ ရှိနေပေမဲ့ ပြောပြစရာလူ မရှိတော့ဘူး။ ဖုန်းကိုင်မိတိုင်းလည်း အရင်လို မင်းဆီ စာပို့ချင်စိတ်တွေ ဖြစ်လာတယ်။ ဒါပေမဲ့ ပို့လို့မရတော့တဲ့အကြောင်းတွေကို ကိုယ့်ကိုယ်ကိုယ် ပြန်သတိပေးပြီး ဖုန်းကို ပြန်ချထားရတယ်။ တစ်ခါတလေ မင်းကို မလွမ်းတော့သလို နေနိုင်ပေမဲ့ ညဘက်တွေ ရောက်လာတဲ့အခါ အမှတ်တရတွေက တစ်ခုပြီးတစ်ခု ပြန်ပေါ်လာတတ်တယ်။ တကယ်တော့ ကိုယ်တို့ကြားမှာ စကားမပြောဖြစ်တော့တာတစ်ခုပဲ ရှိတာပါ။ ဒါပေမဲ့ အဲဒီတစ်ခုကပဲ ကိုယ့်ရဲ့နေ့ရက်တွေကို အရင်လို ဘယ်တော့မှ ပြန်မဖြစ်နိုင်တော့အောင် ပြောင်းလဲပစ်ခဲ့တာပါ။ မင်းမရှိတော့လို့ ဘဝကြီးရပ်တန့်သွားတာတော့ မဟုတ်ပါဘူး။ ကိုယ်လည်း ဆက်ပြီး အသက်ရှင်နေပါတယ်။ ဒါပေမဲ့ ကိုယ်ပြောပြချင်ခဲ့တဲ့ နေ့စဉ်အကြောင်းအရာလေးတွေကို နားထောင်ပေးမယ့် မင်းမရှိတော့တာက တစ်နေ့တာလုံးမှာ အနာကျင်ဆုံးပါပဲ။ တခြားသူတွေအတွက်တော့ ဘာမှမထူးခြားတဲ့ နေ့တစ်နေ့ဖြစ်နေပေမဲ့ ကိုယ့်အတွက်တော့ မင်းကို သတိရပြီး မျက်ရည်ဝဲရတဲ့ နေ့တွေ အများကြီးရှိနေတုန်းပါပဲ။@❤️K❤️

400

2026-11-07 15:10:37

2026-11-07 14:12:25

To see more videos from user @kgmalay1992, please go to the Tikwm homepage.