@zoolnice08: لكي تعيش بسلام، عليك أن تتحرر .. تحرر من حبك القديم، طالما كل إنسان مشي في حال سبيله، ما تقعد ماسك في زول ساب يدك ومشي، الفات مات، والفات ما برجع، وأنت ما بتستاهل تعيش أسير لزول اختار يمشي. تحرر من خوف المستقبل المجهول، الغد دا في يد ربنا، ما في يدك، ليه شايل همو من هسي؟ ليه بتتوقع الوجع قبل ما يجي؟ ارمي أثقال اليقين المعلق في غيب الغد عن كاهلك، وخلي بكرة يجي براهو، وهو شايل معاهو رزقو وفرحو. تحرر من أسر الذكريات الحزينة، تلك الذكريات التي تبيت في محطات الأمس، ما تخليها تحرس قلبك، ما تخليها تسجنك في الماضي السيئ، الماضي دا محطة، ما بيت، عديها وامشي، ما تسكن فيها. حين تفك أسر قلبك، يفتح الصباح ذراعيه لتبدأ الحكاية من جديد، حكاية أجمل، وأنقى، وأفرح. إن السعادة الحقيقية لا تسكن في أراضٍ مستحيلة، بل وُجدت لمن استطاع أن يعبر جسر القلق بسلام، ويغفر لخطواته القديمة زلات الطريق. سامح نفسك، سامح الماضي، سامح الزول الوجعك، ما عشان هو بيستاهل، عشان أنت تستاهل تعيش مرتاح. تخلص من ركام الأمس وخراب الدواخل، ودع الخوف يرحل، فما أنقى الروح حين تتزين بالرضا، وما أفسح الدرب لمن سار فيه خفيفاً، حراً طليقاً، بلا أثقال. فالقلوب المطمئنة وحدها هي التي تدرك أن العمر وميض قصير، لا يسع التوقف عند محطات الفجيعة، ولا ينتظر المترددين على عتبات التمني. لذلك افتح جدران صدرك للريح الطيبة، واستقبل الآتي بيقينٍ ثابت، وكأنك لم تحزن قط، فالحياة تبتسم لمن يدرك أن النور الحقيقي لا ينبعث من خارج الروح، بل يتشكل من طمأنينتها وسلامها الداخلي. أفرح .. أفرح لأنو الجاي أجمل، أفرح لأنو ربنا شايل ليك عوض كبير، أفرح لأنو كل وجع مريت بيهو كان بيجهزك لفرح أكبر، أفرح لأنك لسه واقف، ولسه قلبك بنبض، ولسه عندك فرصة تبدأ من جديد. القادم أجمل يا انسان يا طيب، القادم فيهو ناس بتحبك بالجد، فيهو راحة، فيهو أمان، فيهو سلام، بس أنت أطلق سراح الماضي، وامشي لقدام خفيف، حر، طليق. *- Zool nice08* #سودانيز_تيك_توك_مشاهير_السودان #دموع_الورد💔 #عيش_حياتك #خزلان_صدمه_وجع_دموع_حرقة_قلب💔😔
