@s_s_0015: ما اتعودت أخاف من قبلك، لكن معاك حسّيت بالخوف... أنا الزولة البتواجه الأيام بقلب ثابت، وما بتخاف من الغياب ولا بتشغل بالها بتغيّر الناس، لقيت نفسي معاك بخاف من السكوت، ومن البُعد، ومن الحاجات الصغيرة البتتغيّر من غير تفسير. ما كنت دايرة منك المستحيل، كل الحصل إني كنت دايرة أكون مطمئنة، أحس إنو وجودك أمان، وإنو قلبي ما محتاج كل يوم يسأل: الحاصل شنو؟ ولا يفتّش عن إجابة في نص السكوت. ويمكن دي كانت أكبر خيبة... إني جيت ليك بقلب ما بعرف الخوف، ولقيت نفسي بحسب خطواتي وكلماتي، وبخاف من حاجات ما كانت يوم على بالي. ما كان خوفي من فقدانك هو الوجع، الوجع الحقيقي إني بقيت ما بعرف نفسي وأنا معاك... #ما_اتعودت_اخاف_من_قبلك #اغاني_سودانية