@enah_ahmett0: Ganacsi yar oo aan maanta bilaabay ma ahayn wax iska yimid, mana ahayn inaan lacag iska raadsado oo keliya. Waxaan ku bilaabay riyo weyn, niyad wanaagsan iyo hammiga ah inaan maalin uun noqdo qof isku filan, oo aan wiilkayga u iibin karo wax kasta oo uu u baahdo anigoon cidna gacanta u hoorsan. Waxaan rabay inaan noqdo hooyo awood u leh inay ilmaheeda baahidiisa daboolto, farxaddiisana qayb ka noqoto. Waxaan is lahaa haddii aan maanta dadaalo, berri waxaan arki doonaa midhaha dadaalkayga. Waxaan is lahaa ganacsigan yar ayuu noqon doonaa bilowga nolol ka wanaagsan, meel aan ka bilaabo dhisidda mustaqbalkayga iyo mustaqbalka wiilkayga. Ma doonayo wax badan oo adduunka ah, waxaan rabaa inaan shaqaysto, horumar sameeyo, wiilkaygana aan ku farxad geliyo waxyaabaha uu u baahan yahay. Laakiin wallaahi, mararka qaarkood qalbiga ayaa ku xanuuna markaad wax wanaagsan niyadda ku hayso, aad dadaalayso, haddana aadan arag natiijadii aad filaysay. Ganacsigii aan rajada weyn ka qabay ayaan durba dareemayaa inaan cidina wax iga iibsanayn. Mararka qaarkood waxaan is weydiiyaa: Ma guulaysan doonaa? Dad ma ii iman doonaan? Dadaalkaygu ma midho dhalayaa? Mise waxaan ku daalayaa wax aan weli meel gaadhin? Habeenno badan ayaan murugo la seexdaa, anigoo ka fikiraya ganacsigayga iyo sida aan u horumarin lahaa. Qofna ma dareemayo waxa qalbigayga ku jira, qofna ma ogaanayo inta rajo ee aan ku bilaabay iyo inta aan ka doonayo inuu guulaysto.

MARWA❤️

Open In TikTok:

Region: SO

Saturday 07 November 2026 20:37:49 GMT