@musabko4: في ناس بس يبتسموا ليك، بتحس الدنيا رجعت بخير، وكأنو كل التعب الحاصل في عمرك ما كان. إنتى ما زولة عادية في حياتي، إنتي الحاجة البتخلّي قلبي يرضى حتى لو الدنيا ما رضيت، والونس البجي من غير مواعيد، والفرحة البتظهر في عيوني من غير ما أتكلم. ياخ أنا ما داير منك غير تكوني إنتى، بعفويتك، بتفاصيلك، بضحكتك، وحتى بسكاتك البعرفو وبفهمو. وما تشيلي هم المسافات ولا تكترّي الظنون، أنا ريدي ليك ما مربوط بوجودك قدامي، ولا بتغيّرو ظروف ولا بتكسرو غيبة. إنتي ما ضيفة في قلبي عشان يوم ترحلي، إنتي بقيتي من الحاجات البقت جزء من روحي، والإنسان البلقى فيهو راحة عمره ما بفتش ليهو عن بديل. والله لو كان للريد أمان، فأمان قلبي فيك، ولو كان للعمر أمنية، فأمنيتي أعيش باقي أيامي وأنا شايف ضحكتك، ومطمئن إنك بخير. يا أجمل من مرّ على الروح، أنا ما اخترتك عشان تكوني أجمل حكاياتي وبس، اخترتك عشان تكوني الحكاية البتمنى ما يكون ليها آخر. ❤️

Musabko

Open In TikTok:

Region: SD

Saturday 07 November 2026 21:36:47 GMT