@tone21123: ဒီနေ့ ကျွန်တော်တို့ကျန်းမာရေးအသိုင်းအဝိုင်းထဲမှာ ခပ်တည်တည်နဲ့ ခေတ်စားနေတဲ့ 'လူပိန်း သီအိုရီ' လေးတစ်ခုအကြောင်း နည်းနည်းလောက်ပြော ချင်ပါတယ်။ ​အားလုံးလည်း မကြာခဏ ကြားဖူးကြမှာပါ။ 'ဆေးရုံကသူနာပြုဆရာမကကျေးလက်က သားဖွားဆရာမထက် ပိုအဆင့်မြင့်တယ်' ဆိုတဲ့ စကားပါပဲ။ ပိုဆိုးတာက ဒီလိုစကားမျိုးကို ပြင်ပလူတွေက ပြောတာမဟုတ်ဘဲဌာနတွေထဲမှာ စာတိုပေတိုလေးတွေ သင်ဖူးတဲ့ ကျန်းမာရေးဝန်ထမ်း အချင်းချင်းကိုက ခပ်တည်တည်နဲ့ ပြောနေကြတာပါ။ ​ဆန်းတော့ မဆန်းပါဘူး... ကျွန်တော်တို့ လူ့အဖွဲ့အစည်းက တက္ကသိုလ်ဝင်တန်း အမှတ်စာရွက်ပေါ်မှာပါတဲ့ ဂဏန်းကိုကြည့်ပြီး လူရဲ့ တန်ဖိုးနဲ့ အဆင့်အတန်းကို တိုင်းတာတဲ့ အကျင့်က စွဲနေတာကိုး။ အမှတ်များရင် ဆရာဝန်က အမြင့်ဆုံး၊ နည်းနည်းလျော့ရင် သူနာပြု၊ နောက်မှ သားဖွား... ဆိုပြီး လှေကားထစ် လျှောက်ဆွဲကြတယ်။ အဲဒီလို လှေကားထစ် လျှောက်ဆွဲတာကိုက ဘယ်လောက်အထိ ဉာဏ်နည်းသလဲဆိုတာပြနေတယ် ကျွန်တော်တို့ ခရီးသွားတဲ့ ဥပမာလေးနဲ့ စဉ်းစားကြည့်ရအောင်။ ​ကျောင်းတွေ အထပ်ထပ်တက်၊ သင်တန်းတွေ အကြာကြီးတက်ပြီး လေယာဉ်မောင်းတဲ့ ပိုင်းလော့ (Pilot) က စာမေးပွဲအမှတ်တွေအရဆိုရင် အမြင့်ဆုံးပေါ့။ ဒါပေမဲ့ ခင်းဗျာတို့၊ ကျွန်တော်တို့ လမ်းကြားထဲမှာ ခရီးတိုလေး သွားချင်လို့ ဆိုက်ကားစီးတဲ့အခါ လေယာဉ်မှူးကို သွားခေါ်လို့ ရမလား။ 'ကဲ... ဆရာကြီး၊ ဆရာကြီးက စာမေးပွဲတွေ အမှတ်အများကြီးနဲ့ အောင်ထားတာဆိုတော့ ကျနော့်ဆိုက်ကားလေးကို ဒီလမ်းကြားထဲ နင်းပေးပါ' ဆိုပြီး သွားခိုင်းရင် အဲဒီလူကို ရူးနေသလားလို့ဘဲ ထင်ကြမှာပါ။ ​အဲဒီအချိန်ကျရင် လမ်းကြားကျဉ်းကျဉ်းလေးထဲမှာ၊ လူတွေကြားထဲမှာ အန္တရာယ်ကင်းကင်း နင်းပေးနိုင်တာ ဆိုက်ကားဆရာပဲ ရှိတာပါ။ အဲဒီအခိုက်အတန့်မှာ ဆိုက်ကားဆရာက လေယာဉ်မှူးထက် ပိုပြီး ဆရာကျတယ်၊ ပိုကျွမ်းကျင်တယ်၊ ပိုအသုံးဝင်တယ်။ ​ဒါကိုပဲ မတူညီတဲ့ Professional နှစ်ခုရဲ့ သဘောကို နားမလည်ဘဲ... ​ဆေးရုံကြီးရဲ့ ICU ခန်းထဲမှာ၊ စက်ပစ္စည်းအဆန်းတွေကြားမှာ အရေးပေါ်လူနာကို ပြုစုရတဲ့ သူနာပြုဆရာမ ရဲ့ ကျွမ်းကျင်မှုကို သွားကြည့်ပြီး 'ဒါက ပိုမြင့်တယ်' လို့ ပြောတာမျိုး ​လျှပ်စစ်မီးတောင် မရှိတဲ့ တောရွာလေးထဲမှာ၊ မီးဖွားရတော့မယ့် မိခင်နဲ့ ကလေး အသက်နှစ်ချောင်းစလုံးကို လွယ်အိတ်တစ်လုံးတည်းနဲ့ ဘာမှမရှိတဲ့ အခြေအနေကနေ ကယ်ထုတ်ပေးနေတဲ့ သားဖွားဆရာမ (Midwife) ရဲ့ စွမ်းဆောင်ရည်ကို သွားကြည့်ပြီး 'ဒါက ပိုနိမ့်တယ်' လို့ လျှောက်ပြောတာမျိုးဟာ ​သဘောကတော့ 'အိမ်သာဆေးတဲ့ ဘရက်ရှ်က သွားပွတ်တံထက် ပိုရှည်လို့ ပိုအဆင့်မြင့်တယ်' လို့ သွားငြင်းနေတာနဲ့ တူတူပါပဲ။ သုံးရတဲ့ နေရာမတူဘူး၊ တာဝန်ယူရတဲ့ ကဏ္ဍမတူဘူး၊ ပရော်ဖက်ရှင်နယ်ချင်း မတူတာကို သွားပြီး နှိုင်းယှဉ်နေတာကိုက ဦးနှောက်ကို ခွင့်ရက်မရှိ အနားပေးထားကြောင်း ပေါ်လွင်နေတာပါ။ ​ကျန်းမာရေးစနစ်ဆိုတာ နာရီတစ်လုံးရဲ့ အတွင်းပိုင်း စက်သွားတွေနဲ့ တူပါတယ်။ ဆေးရုံမှာ လူနာကို ပြုစုပေးတဲ့ သူနာပြုဆရာမ မရှိရင်လည်း စနစ်ကြီး ရပ်သွားမှာပဲ။ ကျေးလက်မှာ မိခင်နဲ့ကလေး မသေအောင် အခြေခံကနေ ထိန်းပေးနေတဲ့ သားဖွားဆရာမ မရှိရင်လည်း တစ်နိုင်ငံလုံးရဲ့ ကျန်းမာရေး ကိန်းဂဏန်းတွေ ပြိုလဲသွားမှာပဲ။ ​ဘယ်သူကမှ ဘယ်သူ့ထက် ပိုမမြင့်ပါဘူး။ ဆရာဝန်လည်း သူ့နေရာနဲ့သူ ဆရာဝန်ပဲ။ သူနာပြုလည်း သူ့နေရာနဲ့သူ ပရော်ဖက်ရှင်နယ်ပဲ။ သားဖွားဆရာမလည်း သူ့နေရာနဲ့သူ သူရဲကောင်းပဲ။ ​မတူညီတဲ့ Professional နှစ်ခုကို ဘယ်သူကပိုမြင့်လဲဆိုပြီး ကလေးကလား လျှောက်ယှဉ်နေတာဟာငါးနဲ့ ငှက် ဘယ်သူက ရေကူး ပိုတော်သလဲဆိုပြီး လျှောက်ပြိုင်ခိုင်းနေတဲ့ ကလေးကစားနည်းမျိုးကို ကျန်းမာရေး ဝန်ထမ်းဆိုတဲ့ လူတွေကပါ လိုက်ပြောနေကြမယ်ဆိုရင်တော့... အဲဒီလိုပြောတဲ့သူရဲ့ အသိပညာအဆင့်အတန်းဟာ တက္ကသိုလ်ဝင်တန်း အမှတ်နဲ့ မဆိုင်ဘဲ မူလတန်းအဆင့်မှာတင် ရပ်နေခဲ့လို့ပဲ ဖြစ်ပါလိမ့်မယ်။ ​ဒါကြောင့် ကိုယ့်နေရာနဲ့ကိုယ်၊ ကိုယ့်ကျွမ်းကျင်မှုနဲ့ကိုယ် အများပြည်သူ အသက်ကို ကယ်တင်နေကြတဲ့ ပရော်ဖက်ရှင်နယ် တိုင်းမှာ 'အဆင့်' ဆိုတာ မရှိပါဘူး... 'တာဝန်နဲ့ လေးစားမှု' ပဲ ရှိပါတယ် လို့ ပြောချင်ပါတယ် ကျေးဇူးတင်ပါတယ်။" Crd 😌🙂‍↔️🙂‍↔️

♏️Hazel🍄🌲

Open In TikTok:

Region: MM

Sunday 08 November 2026 05:39:03 GMT