د پښتو ژبې ملي غورځنګ رسمې ټک ټاک پاڼې ته ښه راغلاست! السلام علیکم ورحمة الله وبرکاته! درنو او قدرمنو ملګرو! تاسو د یوه داسې ژبني او فرهنګي بهیر برښه ګرځۍ چې یوازینۍ موخه یې د پښتو ژبې ساتنه، وده، پیاوړتیا او پراختیا ده. زموږ شعار دی: پښتو یوازې د ویاړ ژبه نه، بلکې د خدمت او پرمختګ ژبه هم ده! زموږ موخه موږ هڅه کوو چې پښتو ژبه په ښوونځیو، پوهنتونونو، دولتي او شخصي ادارو او ټولو علمي او ټولنیزو برخو کې خپل وړ مقام ترلاسه کړي. موږ غواړو د لیکنې، لوستنې، څېړنې، زده‌کړې او عملي هڅو له لارې د خپلې ژبې د پرمختګ لپاره کار وکړو. د غورځنګ اصول ۱. په دې غورځنګ کې یوازې د پښتو ژبې لپاره فعالیت کېږي؛ نور فعالیتونه زموږ د موخې برخه نه دي. ۲. هر ډول سیاسي، ګوندي او انتخاباتي فعالیتونه په بشپړه توګه منع دي. ۳. مذهبي تبلیغات، بحثونه او شخړې منع دي. ۴. د افغانستان د ټولو قومونو، ژبو او وګړو درناوی اړین دی. زموږ له غړو تمه له هر غړي تمه لرو چې د غورځنګ اصول مراعات کړي، په پښتو لیکلو او لوستلو کې ونډه واخلي، خپلې علمي او ادبي تجربې شریکې کړي او د ژبې د پرمختګ لپاره عملي هڅې وکړي. زموږ پیغام ګرانو ملګرو! موږ دلته د سیاست، مذهب، قومیت او شخصي موخو لپاره نه راټولیږو ؛ زموږ د یووالي یوازینی محور پښتو ژبه او د هغې خدمت دی. راځئ په ګډه داسې کار وکړو چې پښتو یوازې زموږ د خبرو ژبه نه، بلکې د علم، پوهې، ادارې، څېړنې او پرمختګ ژبه هم شي. پښتو زموږ ګډ هویت، زموږ ویاړ او زموږ مسؤولیت دی؛ د ساتنې او پرمختګ لپاره یې هر یو باید خپله ونډه ادا کړو! راځئ، د پښتو لپاره خبرې نه، بلکې عملي ګامونه واخلو! زمونږ شمیره ټک ټاک بایو کې شته پښتو ژبې ملي غورځنګ خپراوي کمیټې مشر طارق امین - @amin.s684