@mumtas668: Waxay ila tahay inaan ugu dambayn helay qofkii qalbigaygu mudnaa; qof noloshayda ku soo kordhiyey dareen cusub, igana dhigay inaan dareemo bilow aan hore u aqoon, sidii qof nolol cusub loo bilaabay. Waa nin aan ka helay daryeel, kalgacal iyo jacayl aanay erayadu si buuxda u cabbiri karin. Mar kasta wuu iga war hayaa, xaaladdayda wuu daneeyaa, farxaddayda iyo murugadaydana wuu ila qaybsadaa. Wuxuu i dareensiiyaa inaan ahay qof qaali ah oo mudan in la jeclaado, la daryeelo lana ilaaliyo. Ficilladiisa maalin kasta ayuu igu tusaa qiimaha aan qalbigiisa ku leeyahay. Mararka qaar waxaan is weydiiyaa: sidan miyaa loo dareemaa marka aad hesho qof si dhab ah kuu fahma, kuu daneeya, aan ka daalin inuu jacaylkiisa ku tuso ficil ahaan, qalbigaagana ku abuura xasillooni iyo ammaan? Runtii, waa dareen aanan jeclayn inaan waayo. Alxamdulillaah, Rabbigay wuxuu i baray in jacaylka dhabta ahi aanu ku koobnayn hadallo qurux badan iyo ballanqaadyo, balse uu yahay daryeel, daacadnimo, isfaham, ficil iyo joogitaan. Waa inaad hesho qof aan kaliya ku odhan inuu ku jecel yahay, balse maalin kasta ku dareensiiya inaad tahay qof uu doortay oo uu qiimeeyo. Alxamdulillaah, mararka qaar waxa qalbigu muddada dheer sugayay ayuu Alle kuugu deeqaa xilli aadan filayn. 🥹❣️🫶🏻❤️

MumtiE❤️🦢♾️

Open In TikTok:

Region: SO

Sunday 08 November 2026 10:30:34 GMT