@matiane_12: ✍️«მანანა ლამაზი გაელვება იყო ქართულ კინოში. მისი არაჩვეულებრივად მომხიბლავი გარეგნობა ატყვევებდა მნახველს. ამას ნიჭიც ერთვოდა და ძალზე იოლი იყო მასთან მუშაობა. ახალ ფილმში მივიწვიე მთავარ როლზე. ▪️არ დაგვცალდა... უზომოდ ჩამწყვიტა გული მისი სიცოცხლის ასეთმა ტრაგიკულმა ფინალმა.» /ნიკოლოზ სანიშვილი/ 🩵«მე და მანანა პარტნიორები ვიყავით "განგაშში". საოცარი გოგონა იყო. ბიჭები როგორც კერპს, ისე ვეთაყვანებოდით. ამაყი იყო. მისი სიწმინდე ზედმეტს არაფერს გაგვაბედინებდა. ახლაც კარგად მახსოვს ფილმზე მუშაობის პერიოდი. მანანას შესანიშნავი გარდასახვის უნარი ჰქონდა. ხშირად სთავაზობდა რეჟისორს ამა თუ იმ მიზანსცენის თავისებურ გადაწყვეტას.» /ლერი გაფრინდაშვილი/ 🖋️მოგონებები გამოქვეყნდა გაზეთ «კავკასიონში». 🌘მანანა ცხოვრებოვა სიცოცხლის უკანასკნელ წლებში მოსკოვში ცხოვრობდა. 1993 წლის 15 ივნისს, ავტოავარიაში ტრაგიკულად დაიღუპა... მხოლოდ 41 წლის იყო... 🗝️მისი ოჯახის შესახებ რაც არის ცნობილი, ჰყავს ორი ქალიშვილი - მილენა და სოფია.

მატიანე

Open In TikTok:

Region: GE

Sunday 08 November 2026 14:46:21 GMT