@remoo910: حابة جدًا النسخة البقيت عليها في الفترة دي ❤. بقيت أهدىو أخف و أوعى من زمان وبكتير الحمدلله ❤. ما بقيت أفتش على الناس الكتار ولا بقت تفرق معاي اللمة قدر ما بقت تفرق معاي القيمة ❤. دائرتي صغرت لكن بقت مليانة راحة ❤... اتعلمت إنو السلام النفسي نعمة و إنو ما كل زول لازم يكون قريب وما كل علاقة لازم تستمر ❤!. وفي ناس وجودهم في حياتك درس أكتر من إنهم يكونو عمر كامل ❤ الحياة ورتني وجوه كتيرة وخلتني أمر بي مواقف كنت فاكرة إني ما بقدر أتجاوزها بس الحمدلله اتجاوزت ❤. خذلتني ناس ، واتكسرت توقعات و اتعلمت بالطريقة الصعبة إنو ما كل قلب يشبه قلبي ❤. لكن رغم كل الحصل بقول الحمد لله ❤. والحاجة الوحيدة اللي م اتغيرت فيني هي نيتي ❤. لحدي الليلة ما قدرت أرد محتاج ، ولا قصّرت مع زول كنت بقدر أقيف معاه ، ولا تعمدت أوجع قلب زول ولا نمت و في قلبي نية أذى لحد ايا من كان ❤. يمكن ما كنت مثالية ويمكن غلطت في مواقف لكن عمري ما قصدته أكون سبب في وجع زول ❤. اليوم الحمدلله، بقيت مقتنعة إنو الخير البنعملو ما بضيع ، و إنو النية الصافية ربنا بعرفها حتى لو الناس فهمتها غلط ❤... و عرفت كمان إنو ما لازم أبرر نفسي لكل زول ، لأنو رب العالمين أعلم بقلبي من أي إنسان ❤. عشان كده أنا راضية عن نفسي ❤. راضية عن كل درس ، و عن كل خسارة و عن كل مرة وقعت فيها وقمت أقوى من الاول ❤. و رضاي الحقيقي ما جاي من رضا الناس عني ، لكن من يقيني إنو ربنا عالم بنيتي ، و دد عندي أكبر من أي حكم و أغلى من أي مديح ❤. #غزالـة🤎🦌المُسلميه❤👑 @"وسكيـه" 🤍🔥

رموو

Open In TikTok:

Region: SD

Sunday 08 November 2026 15:11:06 GMT