@saminori1990: لما الأسد يظهر.. الكلاب بتنبح من أول ما ظهر مولانا أحمد هارون في اللقاء، القحاتة بالذات جاهم مغص، وجاهم هبوط، وجاهم إسهال سياسي.. فجأة كلهم بقوا محللين: "الكيزان ما بحكموا، الكيزان متخبيئن تحت الجيش، الكيزان راجعين" يا زول انتو مالكم مخلوعين كده؟ الزول ظهر ليكم عدييل، قاعد في كرسي، لابس بدلتو البيضاء وبيتكلم بكل ثقة لا متخبي، لا لابس نقاب، لا هارب في سفارة.. انتو لو ما خايفين، مالكم بتصرخوا؟ الخوف ده عندو سبب.. السبب إنو أحمد هارون ده ما زول ورق ساي، ولا زول مناضل بتاع بوستات ولايفات من لندن.. ده زول دولة.. زول ميدان.. زول قرار.. أحمد هارون ده لمن كان والي شمال كردفان، الأبيض دي كانت دولة براها، نظافة، نظام، أمن، هيبة. الشارع كان بتغسل، والحرامي كان بخاف يسرق، والمسؤول كان بخاف يفسد.. تتذكروا القصة المشهورة؟ لمن قوات الدعم السريع جات الأبيض، ودايرة تعمل فيها هي سيد البلد، وتفرض وجودها بالسلاح.. الناس كلها سكتت.. الوزراء سكتوا.. الولاة سكتوا.. إلا هو.. شال تلفونو، اتصل على حميدتي عدييل، وقال ليهو بالحرف الواحد: اسمع يا حميدتي.. عندك ساعتين بس.. قواتك دي ما طلعت من الأبيض أنا بركبهم دا طبعا بعد اللقاء الجماهري العملو ساعتين.. ما قال نشكل لجنة.. ما قال نرفع مذكرة للأمم المتحدة.. ما قال نعمل ورشة.. قال ساعتين وبركبهم.. وفعلاً، في أقل من ساعتين، القوات دي اتسحبت، لأنهم عارفين إنو الزول ده لمن يقول بفعل، وإنو كلمتو ما بتنزل الأرض.. وهنا تعال أقيف معاي في النقطة دي بالذات انتو بتقولوا الكيزان متخبيئن تحت الجيش؟ يا زول راجع التاريخ القريب ده، ما تمشي بعيد.. لمن الجيش كان محاصر في القيادة العامة، ومحاصر في كل مواقعو، ومحاصر في سلاح الإشارة والمدرعات والمهندسين، والبلد دي كلها كانت على حافة السقوط.. وين كنتو انتو؟ القحاتة كانوا وين؟ كانوا في الفنادق، في أديس، في القاهرة، في لندن، بيعملوا في بيانات وبيتوسلو للمجتمع الدولي يتدخل. الكيزان هم النزلوا الميدان الكيزان هم الشالوا السلاح ووقفوا مع الجيش كتف بي كتف. الكيزان هم الثبتوا البلد دي لمن كانت ح تقع ما اتخبو تحت الجيش، هم كانوا قدام الجيش.. هم كانوا أول ناس في الصفوف الأولى، في أم درمان، في بحري، في الخرطوم، في الفاشر، في كل مكان.. ديل ما ناس بتاعين كلام، ديل ناس لمن البلد نادتهم، لبوا النداء.. وهسع بعد ما البلد بدت تقيف على حيلها، جايين تقولوا كيزان وما كيزان؟ وتعال نتذكر القحاتة كانوا بقولوا شنو زمان. تتذكروا لمن الدعم السريع احتل بيوت المواطنين، ودخل غرف نومهم، وسرق عفشهم، وقعد فيها؟ القحاتة كانوا بقولوا شنو؟ كانوا بقولوا: "الدعم السريع ما بطلع من بيت المواطن، لأنو احتلاها، كيف يطلع منها؟ الجيش ده ما بقدر يرجع البيوت دي خلاص البلد انتهت" كانوا بيحبطوا في الناس، وبيقنعوا في المواطن إنو بيتو راح وإنو الجيش ده ما بقدر يعمل حاجة وإنو لازم نستسلم ونقبل بالواقع. وسبحان الله.. الجيش رجع البيوت دي كلها، بيت بيت، شارع شارع، حي حي. رجعها بالدم، وبالرجالة، وبالصبر.. والقحاتة سكتوا.. ما لقوا حاجة يقولوها.. وتعال شوف التلون بتاعهم. لمن الجيش يعمل انسحاب تكتيكي من مدينة، عشان يرتب صفوفو ويرجع أقوى القحاتة أول ناس بيسرعوا.. تلقاهم في ثواني ناشرين ...سقطت المدينة الفلانية.. الجيش انسحب وخلى المواطن.. الجيش هرب.. الجيش باع بيروجوا للسقوط كأنهم فرحانين بيهو. بيوزعوا فيديوهات الدعم السريع وهم داخلين المدينة وبيكتبوا شوفوا الجيش خلى المواطن كيف ما حصل يوم شفتهم نشروا انتصار للجيش وفرحوا بيهو.. ما حصل يوم شفتهم واسو مواطن، ولا وقفوا مع نازح.. شغلتهم كلها: الجيش انسحب.. الجيش خلى المواطن.. الجيش ما بقدر.. طيب لمن الجيش يرجع نفس المدينة دي ويدخلها رافع راسو، ويحررها، ويرجع المواطن لبيتو.. القحاتة وين بكونوا؟ بكونوا اختفوا.. بكونوا قلبوا الصفحة، ومشوا يفتشوا ليهم مدينة تانية انسحب منها الجيش عشان يشمتوا فيها.. ديل ناس ما عندهم مبدأ.. ديل ناس بتلونوا زي الحربوية.. مع الدعم السريع لمن يكون منتصر ومع المجتمع الدولي لمن يكون الجيش ضاغط وضد الجيش في كل الأحوال.. ديل ما معارضة ديل طابور خامس ظهور هارون ما ظهور زول ساي.. ظهور هارون ده رسالة.. رسالة إنو البلد دي فيها رجال، وإنو الرجال ديل ما ماتوا، وما هربوا، وما باعوا.. رسالة إنو التاريخ ما بتمسح بي بوست.. وإنو الأسد لمن يزأر، كل الكلاب بتسكت.. عشان كده حيواصلوا الصراخ ..الكيزان.. الكيزان.. لأنو ما عندهم حاجة غير الشماعة دي.. لو الكهرباء قطعت، الكيزان.. لو الموية قطعت، الكيزان.. لو حبيبتو خلتو، برضو الكيزان.. ونحن حنواصل نقول ليهم: الأسد ظهر.. والغابة عرفت سيدها منو.. والساعتين ديك لسه في ذاكرة حميدتي وفي ذاكرة كل زول حاول يلعب مع الأبيض.. السودان ده ما بلد بتاع ناشطين.. السودان ده بلد بتاع رجال. وأحمد هارون واحد من الرجال ديل.

🦅⚔️هيئة العمليات𝐆𝐈𝐒⚔️🦅

Open In TikTok:

Region: SA

Sunday 08 November 2026 15:29:08 GMT