@mshauri_kazini: Ajali ikitokea, maswali si “nani amekosea?” pekee. Lazima pia tuulize: mfanyakazi atatibiwaje, madhara yatathminiweje na anastahili mafao gani? 🦺 OSHA inalenga kuzuia madhara. Chini ya Sheria ya Afya na Usalama Mahali pa Kazi [Sura 297, R.E. 2023], usalama unahusisha ukaguzi, udhibiti wa hatari, mafunzo na uchunguzi wa afya. Kwa mwajiri, hii inahitaji mfumo unaotekelezwa kila siku; kwa mfanyakazi, inahitaji kufuata maelekezo na kutumia kinga ipasavyo. 🏥 WCF hushughulikia mafao ya madhara yanayotokana na kazi. Kifungu cha 19(1) cha Sheria ya Fidia kwa Wafanyakazi [Sura 263, R.E. 2023, pamoja na marekebisho yake] kinaweka haki ya fidia pale ajali ya kikazi inaposababisha kutoweza kufanya kazi au kifo, kwa masharti ya Sheria. Magonjwa yanayotokana na kazi yanashughulikiwa na kifungu cha 22. Mfano: mpishi kuungua akipika au fundi kuumia akitengeneza mashine. Kinachochunguzwa ni uhusiano wa tukio na kazi pamoja na ushahidi wa madhara si kuwa ndani ya eneo la mwajiri pekee. Mfanyakazi: toa taarifa haraka na hifadhi nyaraka za matibabu. Mwajiri: ripoti tukio; usizuie taarifa kwa sababu unaamini jeraha halikutokana na kazi. Kifungu cha 34(4)(a) kinahusu pia taarifa ambayo mwajiri hakubaliani nayo. Na ukiambiwa “saini kwamba hutadai WCF”, fahamu kuwa kifungu cha 28 kinabatilisha makubaliano ya kuachia haki ya fidia chini ya Sheria hii. Hata hivyo, kila dai lazima litimize masharti ya kisheria. Pitia picha hizi. Hifadhi chapisho. Haki yako inaanza kulindwa kwa taarifa sahihi na hatua za wakati. Mshauri Kazini | Jupiter Workforce Governance #MshauriKazini #HakiZaMfanyakazi #SheriaZaKazi #JupiterWorkforceGovernance #LabourLawTanzania #EmployeeRelations #DisciplinaryHearing #CMA #HRCompliance #HRTanzania #Wafanyakazi #Waajiri #IndustrialRelations #WorkplaceJustice #tiktoktanzania🇹🇿 #FYP #KAZINIKAZI #sHERIAZAKAZI #ajirapublic #MakatoYaMshahara

Mshauri Kazini ⚖️ 📚

Open In TikTok:

Region: TZ

Sunday 08 November 2026 17:36:56 GMT