@rabat_live: 📍 **ساكنة مقاطعة اليوسفية، واش لاحظتو هاد التغييرات؟** بعد الإحصاء الأخير، بزاف ديال الساكنة ولات عندها تساؤلات ومخاوف بخصوص الهدم ومستقبل بعض المناطق. ولكن شنو واقع فعلياً فالميدان؟ حي الفرح، دوار الحاجة، الطريق المؤدية للحي الصناعي، وجبل رايسي... مناطق كتعرف أشغال إعادة التأهيل والتهيئة، من تزفيت الطرق وإصلاح الأرصفة، حتى تنقية الفضاءات الخضراء وإعادة التشجير. ولكن كاين سؤال مهم: واش هاد الأوراش غادي تشمل جميع الأحياء والنقاط اللي محتاجة للإصلاح؟ وشنو وضعية الأسواق وسوق الجملة؟ 🎥 **ملاحظة:** هاد الريل عبارة عن توضيح سريع ومباشر، تسجّل بشكل عفوي وبإمكانيات بسيطة، بلا ميكروفون ولا تجهيزات التصوير المعتادة، والهدف منو هو نوصلو المعلومة للساكنة فوقتها، وما نخليوش انتظار التصوير الاحترافي يأخر نقل المستجدات. 👇 شنو أكثر تغيير لاحظتو فالميدان؟ وشنو المنطقة اللي خاصها تكون ضمن الأوراش المقبلة؟ **RabatLive | المعلومة من الميدان، والنقاش مع الساكنة.** #rabatlive #rabat #hayfarah #jbelraisi #youssoufia
ان شاء الله ميكونش الهدم في دوار الدوم ياربي دعواتكم يا اخوان🥺
2026-11-08 22:15:34
15
f6T :
من المؤسف وحنا فزمن التطور والحداثة وبلادنا مقبلة على تظاهرات عالمية كبرى ومازال الشوارع الرئيسية فمدننا السياحية غارقة فالعشوائية البصرية بطوب أحمر وأبيض مصبوغ بطريقة بدائية وأرصفة وجزر وسطية عالية بعلو مبالغ فيه ومبنية ببلاط وتصاميم متناقضة كتفتقد لأبسط معايير التناسق والجمالية مع العلم أن المغرب من كبار مصدري الرخام والجرانيت والأحجار الطبيعية للعالم وشوارعنا الرئيسية مخدومة بالإسمنت والترقيع الرخيص اللي كيتهرس فظرف شهور وهادي رسالة مباشرة لوزارة التعمير وسياسة المدينة ووزارة الداخلية والولايات والمجالس الجماعية والمشرفين والمهندسين باراكا من الاستهتار وسياسة الكيل بمكيالين راه خاص التاويل والهوية البصرية الموحدة بأحجار بلادنا الطبيعية تشمل كاع الشوارع الرئيسية والمحاور الحيوية ماشي غير الكورنيش ومحيط الملاعب بوحدهم حيت واجهة البلاد كل متكامل وخاص محاسبة صارمة لشركات الماء والكهرباء اللي كتحفر الشوارع الرئيسية وترقعها بسيمة مغايرة كتشوه المنظر العام بحيث أي شارع رئيسي تحفر خاصو يرجع بنفس البلاط والجودة الأصلية كيفما كان قبل حيت مغرب اليوم كيستحق بنية تحتية راقية ومتناسقة كتشرفو قدام ولادو وقدام العالم
2026-11-15 06:07:25
2
﴿إن الله مع الصابرين﴾ :
حيت غيدشن المارشي إلي فحي الصناعي دكشي علاش كيصلحو
2026-11-09 00:59:06
12
Loulita shop :
كلشي يتهدم منهنا 2030 مايبقى والو
2026-11-21 12:41:19
1
Hanane Hanane :
شخبار على مستوصف لفرح راه تقهرنى بلبعد دسوسيوولولافيه وخصوصا ناس لكبار اصحاب الامراض المزمنة
2026-11-08 22:12:03
8
useru2vuyfhj8w :
2026-11-09 02:38:54
2
fati :
had lislah mzan walakin t9ila fih acharika makaysrbiwch dyorna amro ghyosat
2026-11-09 10:08:04
2
فاتي❤️😘 :
علاش جابوا الطريق من زنقه 70 جايبينها مزيانه وجاو حتى للزنقه 39 وخلاوها ما قادوش الطريق الا كان الانسان مريض ما عندناش منين نهبطه ولا نطلعه عندنا خصنا من جهه بيزانطه من جهه الزنقه 39 باقه محفره ما كانلقاوش الطوموبيلات منين يطلع
2026-11-09 09:10:52
3
sultanahoyam12 :
بغينا يصايبو لينا سبيطار راه قهرتنا ديك هبطة لسوسيو تربوي
2026-11-09 00:51:32
5
🔱👑🌊كوبيلي بالا ازرق 🌊👑 🔱 :
الله يخلف على الحسن الثالث نصرها الله
جاء لا دورى الحاج وجبال الرئاسى في سيارة غير معروفة او شاف المناظر معجبوش الحال
وامرهم بى اصلاح والتهيئات المناطق
نحن الملك والملك نحن
نحن نعرف انا اشغال ديل الحى انتهت في زمان عليه عام ونصف او عامين .........الملك نصره الله عركهم مختالصين اموال الإصلاح
الله يعطيك الصحة انت الملك عن جدارة واستحقاق اللهم شافيه وعافيه واخذ بيده لا اله الا الله محمد رسول الله 💯💯
هذا شئ حقيقي
2026-11-09 19:32:42
1
lahsen hammane :
نحن لسنا قطيع غنم ياكل ويشرب بل بشر من حقه معرفة ما يجري حوله وهذا دور وساءل الاعلام
2026-11-10 10:56:39
2
3li-abdel😎😎A…😊H…..👀3li :
خاص كون اهتمام جبل الرايس اعادة إصلاح الأزقة وتوسيع شارع رئيسيي للحي
2026-11-08 21:15:52
6
الحوت :
بغينا دروج يعاودهم لينا تع دوار الدوم جهة صبيطار عاليين بزاف قلب تيبغي يسكت ناس كبار معدبين
2026-11-08 21:41:06
4
Laassila Manar :
تطوارات ديما كايبدلوهم ويعاودوهم بحال ما عندهمش حتى حاجه اخرى يديروها الفلوس موجودين خاصهم غير لوحوهم🤣
2026-11-10 04:10:46
1
Radi Rad :
تدشبن [لاكريي] سوق الخضر هو السبب....
2026-11-10 00:18:35
1
فاتي❤️😘 :
انا بنت تقدم ساكنه في بيزنطه عندنا الطريق التحتانيه اللي كاتطن على حي النهضه من لتحت كاينه بعض البلايص اللي باقيينش خاصها تصلح باش يعود الكاميو ديال البلديه يدخل حتى احنا عندنا
2026-11-09 09:07:44
2
الحوت :
دوار حالتو خصو نظافة او زناقي ضروري يتصبغوا بي لون موحد خص اشجار ينقصو منها باقي واحد لعشاش من وراء صبيطار بغينا نظافة في شوارع
2026-11-08 21:39:59
4
lzher hamid :
عيدوز مولاي الحسن
2026-11-09 15:18:31
1
ام براء و اسيد :
واش أخويا تنصحنا نشريو العقار فهاد الفترة
2026-11-09 00:39:51
2
lo strano :
بالتوفيق
2026-11-08 21:26:13
4
راوية :
hy krimat 9as t9ad dik jrda li wasto ot9ad trik lsakina 9oraych
2026-11-08 21:41:11
3
Atika12344 :
nchalllhhh yarabi yarabi ysahal 3la ljami3
2026-11-08 21:14:13
3
Abdou Tonder :
أولا مشكور أخي على المجهودات القيمة.وثانيا هل يوجد حقا من ينقلون إحتياجات الساكنة لمراكز القرار .؟
2026-11-08 23:48:04
2
azizjilali4 :
بغينا ترياب
2026-11-11 03:16:40
0
To see more videos from user @rabat_live, please go to the Tikwm
homepage.