@hurghada.loves.1999: أجمل جميلات جيلها ومع ذلك متجوزتش لحد النهارده.. فنانة شاملة؛ مثلت مسرح وتليفزيون وأنتجت ألبوم كسر الدنيا ومرة واحدة لا حس ولا خبر… اعتزلت بالإجبار ولازمت بيتها والتزمت الصمت 👇 كتير بيسأل هي إيمان الطوخي راحت فين بعد ما طلعت زي الصاروخ بدورها في مسلسل رأفت الهجان.. وعلاقة اختفائها بالرئيس مبارك وزوجته ورجاله القصة بدأت لما إيمان جالها دعوة من الرئاسة لحضور حفل ذكرى نصر أكتوبر.. وفي الحفل حصل اللي ماحدش يتوقعه، الرئيس مبارك سلم عليها يدًا بيد، وسألها: فينك يا إيمان مختفية فين، لازم أشوفك في كل حفلة، ولو احتاجتي أي حاجة ارفعي عليا السماعة والدنيا قامت مقعدتش، وكله بدأ يخمن طبيعة العلاقة بين الرئيس والفنانة الشابة صاحبة العيون الزرقا، وفضلت الإشاعات تكبر لحد ما وصلت لإدعاء إنها الزوجة السرية لمبارك وإنه مخلف منها ولد وفضل الطرفين ملتزمين الصمت، ماهو مش معقول الرئيس يرد على نميمة الصحافة، ولا ممثلة تطلع تنفي جوازها من الريس.. ولأن العيار اللي مايصيبش يدوّش، انزعجت سوزان مبارك من الأمر، وزي أي ست مصرية بدأت تغير على جوزها، فرفعت السماعة على صفوت الشريف اللي كان وزير الإعلام وقتها، وقالتله: مش عايزة أشوف وش اللي اسمها إيمان ع التليفزيون تاني يا صفوت.. قام صفوت الشريف أصدر قرار بمنع عرض مسلسلها جمال الدين الأفغاني، وعدم دعوتها في أي مناسبة وطنية تجمعها بالرئيس وفهمت إيمان مغزى الرسالة، ودخلت في حالة اكتئاب حاد، وتوارت عن الأنظار حفاظا على سمعتها وسمعة عائلتها.. وعلى رأي المثل: من خاف سلم لكن إيمان ماسلمتش، وبرغم اختفائها من سنة 98، فضلت الإشاعات ملزماها، فشوية يقولوا اعتزلت عشان تربي ابنها من مبارك في السر، وشوية يربطوا اسمها بزكريا عزمي، وأشاعوا بعد ٢٥ يناير إنهم وصلوا لملفات أمنية بتفيد إنه عرض عليها أجر خيالي في مسلسل مقابل إنها تسلمله نفسها، لكنها رفضت، فضيق عليها لحد ما أجبرها على الاعتزال ولكن بعد أكتر من 15 سنة، خرجت إيمان أخيرًا عن صمتها، وكشفت الحقيقة.. قالت إنها اعتزلت بكامل إرادتها بسبب ظروف مرض والدتها اللي ماكانتش ينفع تسيبها، وإنها ماتجوزتش نهائي لكنها اتخطبت 3 سنين للملحن محمد ضياء وسابته لما عرف إنها مش ناوية تخلف لأنها مابتحبش الأطفال ولا قد مسئولية تربيتهم.. وقالت: مبارك بالفعل سلم عليا في حفل أكتوبر واتفاجئت بعدها بمنع عرض مسلسلي، وماعرفش علاقة سوزان بالقرار، لكني ماعرفش زكريا عزمي ولا عمري سمعت صوته، وأنا مش ندمانة على قرار الاعتزال.. كل واحد بياخد رزقه ونصيبه، وأنا اكتشفت نعمة الحياة الهادية بعيدا عن القيل والقال، ومش عايزة غير الستر والناس تسيبني في حالي.#fypシ゚viral🖤tiktok #foryou #fypシ #fyp #fyppppppppppppppppppppppp
