@dlzar999: ئەم ئایەتە بەڕێزترین ئایەتى قورئانە و بەناوبانگە بە (آية الكرسي) و چەندین فەرمودەى پێغەمبەر(ﷺ) لەبارەیەوە باسكراوە، ئوبەیەى كوڕى كەعب دەڵێت كە پێغەمبەر (ﷺ) پرسیارى لێ كردم كە ئایا دەزانى كام ئایەت لەو كتێبەى خودا گەورەترە لە هەمووان؟ ئوبەی وتى: خودا و پێغەمبەرەكەى دەزانن، چەند جارێك پێغەمبەر (ﷺ) ئەم پرسیارەى دووبارە كردەوە و لە پاشدا وتم: ئایەتەلكورسى، پێغەمبەر(ﷺ) داى لەسەر سینگم و فەرموى: {لِيَهْنِكَ الْعِلْمُ يا أَبَا الْمُنْذِرِ وَالَّذِي نَفْسِي بِيَدِهِ إِنَّ لَهَا لِسَانًا وَشَفَتَيْنِ تُقَدِّسُ الْمَلِكَ عِنْدَ سَاقِ الْعَرْشِ /احمد ومسلم/ عیلم دڵخۆشت كات و لێت پیرۆز بێت ئەى باوكى مونزیر، سوێند بەو كەسەى كە گیانى منى بە دەستە ئەو سوڕەتە زمانێك و دوو لێوى هەیە كە لەلاى قاچى عەرش دا یادى خودای خاوەن دەسەڵات دەكات} وە لە ئەبو ئومامەى باهیلیەوە هاتووە كە پێغەمبەرى خودا (ﷺ) فەرمویەتى: {مَنْ قَرَأ آيَةَ الكُرْسِيِّ فِي دُبُرِكُلِّ صَلاَةٍ مَكْتُوبَةٍ لَمْ يَحِلْ بَيْنَهُ وَبَيْنَ دُخُولِ الْجَنَّةِ إلاَّلْمَوْتُ /مسلم وغيره/ هەر كەسێك لە پاش هەموو نوێژە فەرزەكان ئایەتەلكورسی بخوێنێت هیچ شتێك نابێ بە پەردە لەنێوان ئەو و چوونە بەهەشتەوە جگە لە مردن} هەروەها بەپێی فەرمودەكان خوێندنى ئەم ئایەتە دەبێت بە هۆى دووركەوتنەوەى شەیتان لە مرۆڤەكان؛ بەم شێوەیە دەركەوت كە ئەم ئایەتە ئایەتێكى گەورەی قورئانە و پێكهاتووە لە "دە" ڕستەى سەربەخۆ و پێنج ناوى خوداى تێدایە كە لە ڕاستیدا كۆكەرەوەى هەموو ناوەكانى خودان: (اللَّهُ ، الْحَيُّ ، الْقَيُّومُ ، الْعَلِيُّ ، الْعَظِيمُ ) وە هەروەها (کورسیی) لای زمانەوانەکان «أهل اللغة» بە واتای: تەختی پاشایەتی هاتووە، بەڵام ئەو کورسییەی کە خوا بۆ خۆى قایەل دەبێ و دەفەرموێ: (وسع كرسيه) مەبەست جێ پێی پەروەردگار خۆیەتى-جل جلاله-، وەک (ئیبن عەباس) دەفەرموێت: (الْكُرْسِيُ: مَوْضِعُ الْقَدَمَيْنِ، والْعَرْشُ لا يَقْدُرُ قدْرَهُ إلاّ اللهُ عَزَوجَلّ) رواه الحاكم في المستدرك، وقال إنه على شرط الشيخين، وقد روي مرفوعا، والصواب أنه موقوف عن إبن عباس. واتە: کورسی جێ پێی پەروەردگارە، وە عەرشیش ئەندازەکەى بێجگە لەخودا کەس نایزانێ. بەڵێ هەر ئەمە کە ئیبن (عەباس) دەیڵێ، ڕاوبۆچوونی زاناکانى سەلەفیشە، ئەم ڕیوایەتەیش کە دەڵێ: مەبەست بە (کورسیی) زانست و زانیاریی خوایەو (تأویل)یشى دەکەن، ڕیوایەتێکى پارێزراو نیە، دیسانەوە ئەو ڕیوایەتەش کە دەڵێت: مەبەست بە (کورسیی) هەر عەرشە، (ئیبن کەسیر) دەڵێت- ئەوەیش ریوایەتێکی لاوازە. شایەنی باسە (عرش)یش لە تەواوی دروستکراوەکانی خوا «بە کورسیشەوە، وەک (ئەبوزەر) دەیگێڕێتەوە» زۆر گەورەترە، ئەبووزەڕ دەڵێ: پێغەمبەر -صلى الله عليه وسلم- فەرموویەتی: هەر حەوت ئاسمانەکان و هەر حەوت زەوییەکە لەچاو (کورسى)یدا، دەڵێیت ئەڵقەیەکەو خراوەتە زەوییەکى چۆڵ و کاکی بەکاکیی، ئەوسا عەرشیش لەچاو (کورسیی)یدا دەڵێیت ئەو زەوییە کاکـی بـەکاکییەیە کە ئەو ئەڵقەیەی تێ فڕێ درابێ. وە ئێمەش هەر بەو جۆرە کە خواى گەورە باسی « عەرش و کورسیى « بۆ خۆى کردووەو سەلەف مانایان بۆ کردوین باوەڕمان پێیەتى، بێ هیچ (تەئویل)و (تعطيل)ێک.#مهدي_الشيشاني #اية_الكرسي

🖤

Open In TikTok:

Region: IQ

Sunday 08 November 2026 19:38:01 GMT