@samawadde2: “𝑫𝒂𝒏𝒃𝒂𝒂 𝑮𝒂𝒍𝒊𝒔𝒂𝒚 𝑰𝒏𝒂𝒚 𝑹𝒂𝒂𝒅𝒊𝒚𝒂𝒂𝒏 𝑵𝒐𝒍𝒐𝒍 𝑲𝒂 𝑫𝒐𝒐𝒓 𝑹𝒐𝒐𝒏.” —— 𝑯𝒂𝒅𝒓𝒂𝒂𝒘𝒊. Waa arrin mudan in si qoto dheer looga fikiro marka jiilkii lagu barbaariyey inuu noqdo tiirka iyo tiigsiga ummaddiisu uu maanta dhulkiisii hooyo ka dhex waayo meel uu hammigiisa ku hirgeliyo. Waa jiil aqoon iyo hami huwan, higsigooduna sarreeyo, balse markii ay hanashada nolosha u soo dhaqaaqeen, ay horyaalleen duruufo damiyey rajadoodii, dedaalkoodana dibindaabyo ku noqday. Waa dhallinyaro sannado ku bixiyey waxbarasho, han iyo hiigsi ku soo barbaartay, kuna taamaysay inay aqoontooda ku dhistaan noloshooda iyo dalkoodaba. Hase yeeshee, waxay maanta la daalaa dhacayaan suuq shaqo oo aan kartidooda u furnayn, nidaam aan dedaalkooda miisaamayn iyo duruufo ka xoog batay hammigoodii. Waxaa murugo ka sii daran in qofku yeesho aqoon uu wax ku beddeli karo, balse aanu helin meel uu ku muujiyo, inuu dalkiisa wax ku soo kordhin lahaa, balse uu ku khasbanaado inuu mustaqbalkiisa ka raadsado meel ka baxsan dhulkii uu ku dhashay. Sidaas ayay dhallinyaradii la rabay inay berri dalka hoggaamiyaan maanta ugu hammiyayaan inay ka haajiraan. Mana aha inay dalkooda neceb yihiin, ee waa inay ka quusteen sugitaanka fursado aan weli albaabka u soo garaacin.🙃

Zᴜʟᴅᴀᴀɴ 🇬🇧

Open In TikTok:

Region: SO

Sunday 08 November 2026 20:56:08 GMT