@sulusb: شیخ زید ہسپتال کی ایمرجنسی میں غیر انسانی رویہ — ایک افسوسناک تجربہ آج شدید معدے کے درد میں مبتلا ہو کر اپنے بڑے بھائی کے ساتھ شیخ زید ہسپتال کی ایمرجنسی میں جانا ہوا۔ وہاں پرچی بنوانے کے بعد جب ہم اندر گئے تو ڈیوٹی پر موجود ڈاکٹر (جن کا نام ڈاکٹر محمود بتایا گیا) نے نام کی پرچی کا اعتراض کیا۔ شدید تکلیف کے باوجود میں نے انتہائی مؤدبانہ انداز میں کہا کہ میں فوراََ اپنے نام کی پرچی بنوا لیتا ہوں، بس آپ درد کی کوئی دوا لکھ دیں یا تجویز کر دیں تاکہ ہم باہر سے لے لیں۔ لیکن یہ سن کر موصوف کا رویہ انتہائی نامناسب، ہتک آمیز اور غرور سے بھرپور تھا۔ انہوں نے مریض کی تکلیف کا خیال کرنے کے بجائے بدتمیزی سے کہا کہ "تم لوگ ایسے منہ اٹھا کر آ جاتے ہو، تمہیں رولز کا نہیں پتہ"۔ جب میں نے درد کا حوالہ دے کر تحمل کی گزارش کی تو الٹا کمرے سے باہر نکل جانے کا حکم دے دیا۔ ایک اتنے بڑے اور معروف ادارے میں جہاں مریض امید اور تکلیف کی حالت میں آتا ہے، وہاں اس قسم کا جاہلانہ اور تکبرانہ رویہ انتہائی شرمناک ہے۔ ایمرجنسی کے ڈاکٹرز علاج کرنے کے لیے بٹھائے جاتے ہیں نہ کہ لوگوں پر اپنی حاکمیت جتلانے کے لیے۔ اتنے نامور ہسپتال میں ایسے عملے کا ہونا انتہائی افسوسناک ہے۔ اس واقعے کو یوں ہی جانے نہیں دیا جائے گا بلکہ متعلقہ حکام تک اس کی باقاعدہ شکایت پہنچائی جائے گی تاکہ آئندہ کسی اور مریض یا اس کے لواحقین کو اس تذلیل کا سامنا نہ کرنا پڑے

Suleman Arshad 🔥

Open In TikTok:

Region: PK

Sunday 08 November 2026 22:23:20 GMT