@s_26t: #انواع_الابوذية :- تنظم الابوذية بعدة تراكيب فنية والشائع منها هي :- 1- المطلقة 2- التضمين 3- الزنجيل (المطولة) 4- المشطر (حديث النشأة) 5- المشبج وغيرها أ- مثال الابوذية المطلقة لي :- يناطر هالگلب چيتك.... ويتني واخبرك نار هجرانك ....ويتني ترى الشمات كل ساعة.... ويتني ينشدوني واگول ايعود اليه ب- الابوذية التضمين :- لَيت الذي بيني وبينك عامرُ / وبيني وبين العالمين خرابٌ/ الليالي بخنجر افراكك ...عسني وابد مامرت الضحكة.... عسني خراب اويه الخلك كلهه.. عسني عَمار اوياك كون ابهالدنية منقول ج- الزنجيل وهي مجموعة ابوذيات اكثر من خمسة ترتبط بعضها ببعض بدون قفل (ثلاث ابيات فقط ) وينتهي البيت الاخير للزنجيل بالقفل . د- المشطر : ابوذية حديثة النشأة ولم يتجاوز عمرها حسب اعتقادي الـ 25 سنة . تبدأ بالشطرين الاول للابوذية تم يدخل فيها نص مقاصير مفاعيلن مفاعيلن او مفاعيلن مفاعيل وبعدها الشطر الثالث والقفل للابوذية مثال : هويتك من طرف واحد ...ولك حس والك صوتك عذب كلش... ولك حس ابهواك انطيح ورقه ابريح تعال اوياي ... شجره اوماي طر ممشاي اظل اهواك .... عهدي اوياك ما انساك اشما طول زمن فرگاك دحط ايدك على گلبي ....ولك حس تشوف اسمك نبض اصبح اليه علي الشمري هـ- المشبج (هنا الدوخة وراح اشرحها بالعامية ) المشبج نوع من انواع الابوذية يكون متشابه بالابيات ويختلف بالمعنى يعني شلون راح انطيكم مثال: آنه العشت بالدنيا بلامال آنه العشت بالدنيا بلامال آنه العشت بالدنيا بلامال آنه العشت بالدنيه القوية شفتو شلون الفرق عن الانواع السابقة ؟؟؟ هسه نجي نفسر الابيات الاول :- آنه العشت بالدنيا بلامال (يقصد بي صديقته اسمها أمل) الثاني :- آنه العشت بالدنيا بلامال ( يقصد بي بالامل ) الثالث :- آنه العشت بالدنيا بلامال (يقصد بي بدون مال / فلوس ) الرابع :- القفل عادي مثل اي ابوذية . الي كاتبها انا بالمقطع من يا نوع ؟؟
