@jasalash.kz: Біздің телеграмнан құпия жаңалықтарды оқыңыз. Сілтеме парақшада тұр👆 Қазақстан азаматы Әлиджи Фаров Қырғызстан президенті Садыр Жапаровқа Чүй облысында карьер сатып алу кезінде алаяқтыққа тап болғанын айтып, шағымданды. Ер адам президентпен кездесуде Қант қаласының маңынан карьер сатып алғанын, алайда кейін ұйымдасқан қылмыстық топ мүшелері нысанды алаяқтық жолмен қайта иемденіп алғанын мәлімдеді. Оның айтуынша, күдіктілердің бірі өзін мемлекет басшысының туысы, Әзімат Жапаров деп таныстырған. «Мен карьер сатып алып, ұйымдасқан қылмыстық топтың қолына түстім. Олар оны алаяқтық жолмен қайта тартып алды. Келтірілген шығын 200 мың доллардан асады. Олардың бірі өзін жиеніңіз, туысыңыз Әзімат Жапаров деп таныстырды. Екіншісі – Ильясбек Қайыпов», - деді ол. Сондай-ақ қазақстандық аталған адамдардың ұйымдасқан қылмыстық топпен байланысы болуы мүмкін екенін айтты. Оның сөзінше, олардың бірі Мәскеуде ұсталған адаммен де байланысты. Шағымды тыңдаған Садыр Жапаров Ішкі істер министрлігіне оқиғаның мән-жайын анықтауды тапсырды. Кейін президент аталған адамдардың қазір қайда жүргенін сұрап, олардың әлі ұсталмағанын білген соң, қосымша тапсырма берді. «ІІМ, оларды ұстаңдар және ақшаны қайтарыңдар. 200 мың долларды қайтару керек. Оған көмектесіңдер», - деді Қырғызстан президенті. Басылымның мәліметінше, әзірге Қырғызстан ІІМ қазақстандықтың шағымына қатысты тексеру жүргізіліп жатқаны немесе аталған адамдардың процестік мәртебесі туралы ресми ақпарат жарияламаған.

Jasalash.kz

Open In TikTok:

Region: KZ

Monday 09 November 2026 05:54:41 GMT