@yamonekhin111: 🌿သိသူဖော်စား မသိသူကျော်သွား🌿 အဖိုးကြီးအို ခါးကုန်းကုန်း ဆိုသည်မှာ တို့တတွေဟာ ဘဝတိုင်း ဘဝတိုင်း အဖိုးကြီး အမေကြီး ဘဝနဲ့ အသက်အရွယ်ကြီးကြီးနဲ့ သေရတဲ့ ဘဝတွေ များခဲ့လှပါပြီ။ လူဖြစ်တော့ လည်း လူအဖိုးကြီး လူအဖွားကြီး။ ငှက်ဖြစ်တော့လည်း ငှက်အဖိုးကြီး ငှက်အဖွားကြီး။ နွားဖြစ်တော့ လည်း နွားအဖိုးကြီး နွားအဖွားကြီး။ ကြက်ဖြစ်တော့လည်း ကြက်အဖိုးကြီး ကြက်အဖွားကြီး။ သူဌေးကြီး ဖြစ်တော့လည်း .သူဌေးအဖိုးကြီး သူဌေးအဖွားကြီး။ ဘုရင် ဖြစ်တော့လည်း ဘုရင်အဖိုးကြီး ဘုရင်အဖွားကြီး။ ဘဝ များစွာမှာ အရိယာဘဝက လွဲ၍ မဖြစ်ဖူးတဲ့ဘဝဆိုတာ မရှိပါဘူး။ သူဌေးကြီး ဘုရင်ကြီး တွေလည်း ဖြစ်ခဲ့ဖူးတယ်။ တိရိစ္ဆာန်မျိုးစုံ ဘဝလည်း ဖြစ်ဖူးခဲ့ပြီ။ နတ်တွေ ဗြဟ္မာတွေလည်း ဖြစ်ခဲ့ဖူး ပြီ။ ၃၁ ဘုံမှာ မဖြစ်ဖူးတာ မရှိသလောက်ပဲ။ ဘဝတိုင်း ဘဝတိုင်း အသက်ကြီး ပြီး သေ သေ ခဲ့ရတာချည်းပဲ။ တစ်ချို့ဆိုရင် အသက်တောင်မကြီးလိုက်ရ သေနေကြရတာပဲ။ ဒါပေမယ့် မသေပါနဲ့အုံး။ ရှေးနှစ်ခါ တန်ဆောင်မုန်း🌿ဆိုတာက တစ်ချို့က နောက်နှစ်ခါ တန်ဆောင်မုန်းလို့ ဆိုကြတယ်။ အမှန်က ရှေးနှစ်ခါတန်ဆောင်မုန်း ပါ။ ရှေးနှစ်ခါ ဆိုတာက လာမည့်နှစ်လို့ ထင်တတ်ကြတယ်။ မဟုတ်ပါဘူး။ သာသနာတော် ၂၅၆၅ နှစ်ရှိခဲ့ပြီ.။ ဘုရားရှင်ထားခဲ့တော်မူသော. .သာသနာတော်နှစ် ၅၀၀၀ကို. .တစ်ခေတ်လျှင်အနှစ်၅၀၀ စီဖြင့် ခေတ်(၅)ခေတ်ပိုင်းခြားကာ. .၅ခေတ်ပြည့်လျှင် တစ်ဖန်ပြန်ကျော့သည်။ (၁) ဝိမုတ္တိယုဂခေတ် (အနှစ် ၅၀၀)...ဘုရားပွင့်တော်မူပြီး နှစ်ပေါင်း၅၀၀အတွင်းသည် ဝိမုတ္တိယုဂခေတ်ဖြစ်ရာ.. ထိုခေတ်အတွင်း စျာန်မဂ်ဖိုလ်ရရှိသူများ အလွန်ပေါများသည်။ (၂) သမာဓိယုဂခေတ် (အနှစ်၅၀၀)..ထိုခေတ်ကာလအတွင်း သမာဓိတည်ရုံမျှသာဖြစ်ပေသည်။ (၃) သီလယုဂခေတ် (အနှစ်၅၀၀)...ထိုခေတ်ကာလသည် သီလကိုသာ ဦးစားပေးသောခေတ်ဖြစ်သည်။ (၄) သုတယုဂခေတ် (အနှစ်၅၀၀)...ထိုခေတ် ကာလအတွင်း စာပေဗဟုသုတကို ဦးစားပေးသောခေတ်မျှသာဖြစ်သည်။ (၅) ဒါနယုဂခေတ် (အနှစ်၅၀၀)...ထိုခေတ်ကာလသည် ဒါနပြုမှုကိုသာ အားသန်ကြသောခေတ်ဖြစ်သည်။ ထို (၅)ခေတ်မှ လွန်သော်.. ဝိမုတ္တိယုဂခေတ်သို့ ပြန်လည်ရောက်ရှိလာသည်။ သို့ဖြစ်ရာ.. သာသနာတော်နှစ် ၂၅၀၀၊ ကောဇာ သက္ကရာဇ် ၁၃၁၈ ခုနှစ် ပြည့်ပြီးသည်မှစ၍ ဝိမုတ္တိယုဂခေတ် သို့ ပြန်လည်ဆိုက်ရောက်လာသည်၊ ထို့ကြောင့် ကောဇာသက္ကရာဇ် ၁၃၁၉ မှ ၁၈၁၉ခုနှစ် အတွင်းသည် ဝိမုတ္တိယုဂခေတ် ဖြစ်ပြီး၊ ထိုခေတ်မှလွဲ၍ ကျန်ခေတ်များတွင် မဂ်ဖိုလ်တရားထူးများရရန် မလွယ်ကူတော့ပါ။ ဒါကို သိထားရမယ်။ #ပွဲကြည့်ပါအုံး ဆိုတာက ဝိမုတ္တိယုဂ ခေတ် အနတ္တသာသနာတစ်ပတ်ပြန်လည်လာတော့ ပွဲကြည့်ကြရ အုံးမယ် ။ ဘာပွဲ ကြည့်ရလဲ ဆိုတော့ #ခန္ဓာက_ပြတဲ့ပွဲ ကို ကြည့်ချင်လည်း ကြည့် မကြည့်ချင်လည်း ကြည့်ကြရမယ့်ပွဲ ရုပ်ပွဲ နာမ်ပွဲ ဝေဒနာပွဲ ပရမတ်ပွဲ ဓာတ်ပွဲ အာယတနပွဲ သစ္စာပွဲတွေ ကို ကြည့်ကြရမယ်။ တခြား သွားကြည့်ရမှာ မဟုတ်ဘူး။ မိမိ ခန္ဓာက ပြတဲ့ပွဲကို ကြည့်ရမှာပဲ။ ပွဲလေးပွဲ ကြည့်ကြပါ။ ၁။ ကာယသတိပဋ္ဌာန်ပွဲ ၂။ ဝေဒနါသတိပဋ္ဌာန်ပွဲ ၃။ စိတ္တသတိပဋ္ဌာန်ပွဲ ၄။ ဓမ္မသတိပဋ္ဌာန်ပွဲ ကို သတိ သမာဓိ ပညာ မျက်လုံး နဲ့ ကြည့်ရမယ်။ ဒါမှ အမှန်ကို အမှန်အတိုင်း မြင်လိုက်မယ်။ တို့တတွေ အားလုံး ယခုဝိမုတ္တိယုဂခေတ်အတွင်း... လူ ဖြစ်လာရသည်မှာပင်.. ထူးကဲသော ဒုလ္လဘတရားပင်ဖြစ်တယ်။ ဒါ့အပြင်... ဘဒ္ဒကမ္ဘာတွင် လူဖြစ်ရခြင်း၊ မြတ်စွာဘုရား၏ သာသနာတော်နှင့်ကြုံတွေ့ရခြင်း၊ ဗုဒ္ဓဘာသာဝင်မိဘများ၏သားသမီးများဖြစ်ရခြင်းမှာ အင်မတန်ကြီးမားသောဘုန်းကံကြောင့် ဖြစ်တယ်။ မြတ်စွာဘုရားပွင့်ထွန်းတော်မူရခြင်း၏ အကြောင်း ရင်းတစ်ခုမှာ သံသရာဝဋ်ဆင်းရဲအပေါင်းမှ ကင်းလွတ်ရာအမှန် မြတ်နိဗ္ဗာန်သို့ရစေခြင်းငှာ. .ပွင့်တော်မူခဲ့သဖြင့်. .နိဗ္ဗာန်ရောက်ရာရကြောင်း အကျင့်တရားများကို ကျင့်ကြံအားထုတ်ရပါမည်။ ဘုရားရှင်သည်.. ပိဋကတ်သုံးပုံဟုဆိုအပ်သော ဓမ္မက္ခန္ဓာပေါင်း ၈၄,၀၀၀ ကို ဟောကြားခဲ့သော်လည်း. .အဓိကရည် ရွယ်ချက်မှာ. ဆင်းရဲခပ်သိမ်းကင်းငြိမ်းရာ အမှန်မြတ်နိဗ္ဗာန်သို့ရောက်ကြောင်း အကျင့်တရားကို ကျင့်ကြံအားထုတ်ရန်သာ ဖြစ်ပါသည်။ ထိုနိဗ္ဗာန်ရောက်ကြောင်း အကျင့်တရားများသည်.. လူ့ဘုံဘဝကသာလျှင် ကျင့်ကြံအားထုတ်ပြီးရရှိနိူင်ပါသည်။ သို့ကြောင့်သာ မြတ်စွာဘုရားရှင်တိုင်းသည် လူ့ပြည်ကသာလျှင် ပွင့်တော်မူခြင်းဖြစ်ပေသည်။ လူ့ဘုံမှ..နိဗ္ဗာန်ကိုရရန်ကျင့်ကြံသည့်နည်း၃နည်းရှိရာ၊ ယင်းတို့မှာ- ကံလမ်း၊ စျာန်လမ်း၊ ဉာဏ်လမ်းဟူ၍ ဖြစ်သည်။ ကံလမ်းသည် ဒါန၊ သီလဆောက် တည်၍ ကျင့်ကြံအားထုတ်သည့်လမ်းဖြစ်သည်။ သမထကျင့်ကြံအားထုတ်သည့်လမ်းကို စျာန်လမ်းဟုခေါ်ကြပြီး၊ ဝိပဿနာပွား၍ကျင့်ကြံအားထုတ်သည့်လမ်းကို ဉာဏ်လမ်းဟုခေါ်ပါသည်။ ဉာဏ်လမ်းသည်သာလျှင် အမြန်ဆုံးနှင့်အကောင်းဆုံးဖြစ်ပေသည်။ သစ္စာတရားကိုပြသတတ်သော ဆရာသမားကောင်း နှင့်တွေ့၍ ကိလေသာကြားမခိုဘဲ ကျင့်ကြံအားထုတ်ပါက.. နေ့ချင်းပေါက်ပင်ရနိူင်ပါသည်။ #fypシ゚viral🖤tiktok

🌿🌿🌿ညိုချော🌿🌿🌿(Official).

Open In TikTok:

Region: MM

Monday 09 November 2026 08:35:31 GMT