@kusagatv: MWANAMKE AFARIKI DUNIA AKIWA KWENYE GETO LA MPENZI WAKE OLASITI KATI, ARUSHA Mwanamke mmoja aliyefahamika kwa jina moja la Lucy amefariki dunia akiwa kwenye makazi ya mwanamume anayedaiwa kuwa mpenzi wake katika Mtaa wa Olasiti Kati, Kata ya Olasiti, jijini Arusha. Tukio hilo limetokea usiku wa kuamkia Novemba 9, 2026, ambapo inaelezwa kuwa Lucy alikuwa amefika nyumbani kwa mwanamume huyo kwa ajili ya kumtembelea, licha ya kuwa yeye mwenyewe anaishi kwa kupanga eneo la Sakina jijini Arusha. Kwa mujibu wa taarifa zilizopatikana, usiku huo Lucy alipata hali iliyofanana na kifafa, jambo lililomfanya mwanamume huyo kuomba msaada kwa majirani na kuwataarifu kuhusu hali ya mwanamke huyo. Majirani walipofika eneo hilo walimkuta Lucy akiwa tayari amefariki dunia. Jeshi la Polisi lilifika eneo la tukio na kuchukua mwili wa marehemu, kisha kuuhifadhi katika chumba cha kuhifadhia maiti kwa ajili ya hatua zaidi. Hata hivyo, chanzo cha kifo cha Lucy bado hakijafahamika na kinatarajiwa kubainishwa kupitia uchunguzi wa vyombo husika.

MWANDISHI WA WANANCHI

Open In TikTok:

Region: TZ

Monday 09 November 2026 09:42:16 GMT