@moonnkitchen: حلو طبقات التوت بالكريمة والشوكولاتة 🍫🤤🤤 المكونات أولاً: صوص التوت 🍓 * علبتين توت ازرق * علبة توت احمر * نص كاسة سكر * نص ليمونة ثانياً: طبقة الكريمة 🤍 * علبتين قشطة * نص علبة حليب مكثف محلى * ظرفين دريم ويب * 8 حبات جبنة كيري ثالثاً: طبقة البسكويت 🍪 * بسكويت شاي * حليب لتغميس البسكويت رابعاً: طبقة الشوكولاتة 🍫 * اي نوع شوكولاتة بتحبوه (أنا استخدمت الشوكولاتة البلجيكية) طريقة التحضير 👩🏻‍🍳 1. تحضير صوص التوت 🍓 أول إشي منغسل التوت ومننشفه منيح، بعدين منحطه بطنجرة ومنضيف عليه السكر وعصير الليمون. منحركه لحد ما يغلي، بعدين منوطي النار ومنتركه تقريباً 10 دقايق لحد ما يثقل قوامه. منهرسه شوي بالشوكة ومنتركه يبرد بالثلاجة 2. تحضير الكريمة 🤍 منحط القشطة والحليب المكثف المحلى والدريم ويب وجبنة الكيري بالخلاط، ومنخلطهم منيح لحد ما يصير عنا خليط كريمي وناعم ومتماسك 3. تجهيز الطبقات 🍪 بصينية التقديم منبلش نرتب الطبقات بهالترتيب: 1. أول طبقة بسكويت منغمسه بالحليب 2. بعدين منحط ثلث كمية الكريمة 3. فوقها منحط نص كمية صوص التوت 4. منرجع منحط طبقة بسكويت 5. بعدين الثلث الثاني من الكريمة 6. ومنضيف باقي صوص التوت 7. وآخر إشي منحط باقي كمية الكريمة 4. التبريد ❄️ منحط الحلو بالثلاجة لمدة ساعة أو ممكن نتركه ليلة كاملة لحد ما تتماسك الطبقات منيح 5. تحضير طبقة الشوكولاتة 🍫 منحط الشوكولاتة بحمام مائي ومنضل نحرك لحد ما تذوب الشوكولاتة تماماً ويصير الخليط ناعم ومتجانس ممكن تستخدموا اي نوع شوكولاتة بتحبوه انا استخدمت الشوكولاتة البلجيكية 6. التزيين 🍓 منوزعه فوق الحلو كآخر طبقة وصحتين على قلوبكم 😍❤️

moonnkitchen

Open In TikTok:

Region: AE

Monday 09 November 2026 11:16:15 GMT