@alashkznews: Ақмола облысында қызметтік міндетін атқару кезінде қаза тапқан полиция капитаны Данияр Таевты 6 қарашада ақтық сапарға шығарып салды. Қаралы жиынға туыстары, жақындары, әріптестері мен облыс тұрғындары жиналды. Қоштасу рәсімінде Ішкі істер министрі Ержан Сәденовтің көңіл айту хаты оқылды. Министр Данияр Таевтың соңғы демі қалғанша антына адал болғанын, оның ерлігі мен қызметке деген адалдығы әріптестеріне мәңгі үлгі болып қалатынын атап өтті. Еске салайық, 3 қарашада Астана – Петропавл тасжолында JAC T9 көлігі полицияның қызметтік көлігіне соғылған. Алдын ала мәлімет бойынша, жүргізуші жылдамдықты асырып, қауіпсіз арақашықтықты сақтамаған. Апат кезінде полицейлер арнайы жол техникасын сүйемелдеп жүрген. Ауыр жарақат алған Данияр Таев 4 қарашада ауруханада қайтыс болды. JAC T9 жүргізушісі ұсталды. Қылмыстық іс қозғалып, тергеу жүріп жатыр.

Alash.kz ұлттық порталы

Open In TikTok:

Region: KZ

Monday 09 November 2026 14:19:06 GMT