دەرەقەتی نەبوونیت نایەم ئەزیزم، هەرچەندە ڕۆژەکان بەسەر یەکدا تێدەپەڕن، بەڵام دڵم هێشتا لەو شوێنە وەستاوە کە تۆ تێیدا جێمت هێشت. هەموو شتێک بەبێ تۆ بەردەوامە، خەڵک پێدەکەنن، ڕۆژەکان دەڕۆن و مانگەکان دێن و دەچن، بەڵام من هێشتا لەگەڵ یادەوەرییەکانت دەژیم. هەندێک جار خۆم بەوە دڵنەوایی دەدەم کە ڕەنگە تۆش لە شوێنێکدا بیرم بکەیتەوە، ڕەنگە تۆش هەمان ئەو بۆشاییە هەست پێبکەیت کە من بەهۆی نەبوونت هەموو ڕۆژێک هەڵی دەگرم. من دەمەوێت بەهێز بم، دەمەوێت فێری بێبوونت ببم، بەڵام چۆن فێری ژیانێک ببم کە تۆی تێدا نیت؟ خۆزگە دەبوو جارێکی تر دەستم دەگرت و پێم دەگوتیت: تکایە مەڕۆ، چونکە من هێشتا زۆر شتم لەگەڵ تۆ ماوە، هێشتا هەزاران قسەم هەیە کە تەنها بۆ تۆ هەڵمگرتوون. ئەزیزم، ئازاری دووریت ئەوە نییە کە تۆ لێم دووریت، ئازاری ڕاستەقینەی ئەوەیە کە هێشتا لە دڵمدا نزیکترین کەسی ژیانمی، بەڵام لە ژیانمدا دوورترین کەسی. من لە نەبوونت تێناگەم، چونکە دڵێک کە بە بوونی کەسێک گەورە بووبێت، چۆن دەتوانێت بە نەبوونی ئەو کەسە بژی؟❤️‍🩹 #foryoupage #actives? #foryou - @kak._.zardo