Myfrend :
Demə daşa dönüb sevən ürəyim,
Bir də çətin dönər sənə ürəyim.
Bütünlüklə sənə dönən ürəyim,
Od olub yandırır məni, sevirəm!
Mən artıq məndəki səni sevirəm!
Bütün günahları görürsən məndə,
Bir azı məndədir bir azı səndə.
Mən səni itirdim eşq adlı çəndə,
İndi hər dumanı, çəni sevirəm,
Mən artıq məndəki səni sevirəm!
Öyrəşə bilmirəm səndəki sənə,
Yaman dəyişmisən bunu bilsənə,
Nə fayda desəm də -durub gəlsənə,
O qoyub getdiyin səni sevirəm,
Mən artıq məndəki səni sevirəm.
Elə kövrəlmişəm uşaq olmuşam,
Sevincdən, nəşədən uzaq olmuşam,
Sən adlı zindanda dusdaq olmuşam,
Saçıma saldığın dəni sevirəm,
Mən artıq məndəki səni sevirəm.
Şükürlü uyubdu o saf eşqinə.
O, könül bağlamaz daha heç kimə,
Səni and verirəm Allah eşqinə,
Qayıdıb demə ki, səni sevirəm.
Mən artıq məndəki səni sevirəm.
2026-11-10 08:25:10