@puntlander123456: TAARIIKHDA AHUN COLONEL YUUSUF JIBRIIL CARIS ( XAAJI DHAGAX) (1940-2022) Colonel Yuusuf Jibriil Caris (Xaaji Dhagax) waxa uu ku dhashay degmada Iskushuban ee gobolka Bari sanadii 1940, waxa uu waxbarashadiisii dugsiga hoose/dhexe ka bilaabay isla degmada Iskushuban ee gobolka Bari halkaas oo ay qoyskoodu daganaayeen, kadib waxa uu u wareegay caasimadda dalka Soomaaliya Muqdisho halkaas oo uu ka dhamaystay dugsigiisa sare, laba sano oo shaqo qaran ah ka dib waxa uu ku biiray ciidamada isaga oo da’ yar waxa uuna ka gaaray darajada Colonel. Dawladdii Soomaaliya ee kacaanka ayaa a u dirtay jaamacad dibadda ah gaar ahaan dalka Talyaaniga waxa uuna kusoo dhameeyey heerka koowaad ee Jaamacadda kulliyadda Qaanuunka (Law). Markii uu jaamacadda soo dhamaystay waxa uu kusoo laabtay dalka halkaas oo uu ka qabtay shaqooyin kala duwan isaga oo soo noqday taliyihii airport-ka magaalada Muqdisho, taliyihii dekedda Muqdisho, turubataariyada iyo taliyihii qaybta gobolka Banaadir. Burburkii dawladii dhexe ee Soomaaliya 1991 Colonel Yuusuf Jirbiil Caris wuxuu ka mid ahaa dadkii usoo qaxay deegaanada Puntland oo uu asal ahaan kasoo jeeday. Aasaaskii Puntland Colonel Yuusuf Jibriil Caris (Xaaji Dhagax) wuxuu ahaa dadkii kaalinta wayn ka qaatay isagoo ka mid ahaa ergadii kasoo gashay gobolka Bari oo wakhti badan galiyey in Puntland loo dhiso nidaam. Wuxuu kaloo ka mid ahaa sharci yaqaanadii wax ka qoray dastuurka Puntland kaalinta weyna ka qaatay in dastuur ay yeelato Puntland. Colonel Yuusuf Jibriil Caris (Xaaji Dhagax) waxa uu noqday 1999 garyaqaankii guud ee Puntland. Allaah ha u naxariistee Colonel Yuusuf Jibriil Caris (Xaaji Dhagx) waxa uu ku geeriyooday magaalada Garowe caasimadda Puntland taariikdu markay ahayd 16/06/2022. #fyp #fypシ #foryou #ColonelYuusufJibriilCaris #foryoupage

123

Open In TikTok:

Region: SO

Monday 09 November 2026 18:36:02 GMT