@qoraamaxamedsiciid: Aadan Sahan in uu xorriyaddiisa dib u helo, ma garanayo war iga farxad badan oo aan sannadkan maqlo. Nin aad saaxiibbo tihiin, marna aad ilmaadeer tihiin, oo la xidhay, culayska iyo dhibaato wayn weeye wallaahi. Waan xasuustaa maalintii aan arkay xukunkii saddexda sano ahaa ee Aadan lagu xukumay. Wallaahi, sidaan u naxay, waxaan moodayay in aan arkay geeridii Aadan. Meeshii aan fadhiyay waan ka kici kari waayay, xitaa. Nin dhallinyaro ah oo mustaqbal iyo nolol uu hiigsanayo leh, in uu xidhnaado saddex sano oo ka mid ah noloshiisa, waxay aniga ila mid ahayd in uu 30 sano xidhnaado. Waxaan xasuustaa in maalintaas aan is idhi muuqaal duub, balse toban jeer ayaan midba midka kale masaxayay, mar kastana mid cusub duubayay. Ka hadalka xadhigga Aadan intii uu xidhnaa, malaha waxaan filayaa in aan ka mid ahay dadka ugu badan ee godobta loo tiriyay. Mid guud oo Soomalilaan ah, mid gaara oo shakhsiyaad ah. Si layga aamusiyo ka hadalka xadhigga Aadan, heer baa la gaadhay in la igu yidhaahdo: “Adigaa u xidhan maalinta aad soo noqoto. Haddii aad baddaa ka bixi waydid." Waxa kale oo la gaadhay heer ay xataa waalidkay ila soo hadlaan, laguna yidhaahdo: “Wiilkiinnii nin diinta caayay ayuu Facebook-ga ka difaacayaa.” Balse waxaas oo dhan igama hor istaagin in aan ka hadlo xaqa iyo xadhigga Aadan. Waxaan u arkayay waajib i saaran, waayo haddii Aadan uu aniga booskaykaas ku jiri lahaa, waxaan hubaa in aanu xadhigayga ka aamuseen. Dadkii ku diganayay intii uu Aadan xidhnaa, waxaan leeyahay, sidii heestii odhan jirtay: “Habaar lagu kari waa!” Maantaba waakaas soo baxay. Saaxiibbadii wanwanaagsanaa ee Aadanna si wayn baan u salaamayaa, waxan leedahay: Saaxiibkiin qado iyo casho sharaf u sameeyo, oo soo dhaweeya. Kkkk Xadhigga Aadan waxyaabo badan ayuu iftiimiyay, oo uu daaha ka qaaday, dadka uu noloshooda weji cusub u furayna waan ku jiraa. Mar kale ayaan ku leeyahay: Soo dhowow, inaadeer Aadan Khadar Cali Rooble @Aadan Sahan 🫡🙌

Qoraa Maxamed Siciid

Open In TikTok:

Region: SO

Monday 09 November 2026 19:30:13 GMT