@adminsolutionsdz: حرف واحد غالط في شهادة ميلادك… يقدر يوقفلك الباسبور، العرس، وحتى التقاعد ✏️ خرّج شهادة ميلادك درك وشوف: ✅ اسمك ✅ اسم باباك ويماك ✅ تاريخ الميلاد لقيت غلطة؟ ما تخلعش، شوف وين راهي: 🖨️ الغلطة غير في النسخة والسجل الأصلي صحيح؟ هادي غلطة في الحجز ← البلدية تصلحها، وتقدر تطلب التصحيح من تيليفونك عبر منصة وزارة الداخلية: prestations.interieur.gov.dz 📚 الغلطة في السجل الأصلي؟ ← وكيل الجمهورية: الغلطة البسيطة يصلحها هو، والكبيرة يفصل فيها القاضي. ← ما تبقاش تروح لمحكمة البلاصة اللي تزاديت فيها: أي محكمة عبر الوطن تقبل ملفك (قانون 17-03). ← وتقدر تودع عبر الأنترنت: portail.mjustice.dz (أول مرة تسجّل في المحكمة، والرمز يوصلك في SMS) 💡 نصيحتي: صلّح قبل ما تحتاج الوثيقة، ماشي نهار تودع ملف الباسبور. 💬 واش لقيت غالط في شهادتك؟ اكتبهولنا في التعليقات ⚠️ بلا رقمك الوطني ولا معلوماتك الشخصية 📤 ارسل الفيديو لواحد في عايلتك ما شافش شهادتو من زمان. #إجراءاتوك #شهادة_الميلاد #الحالة_المدنية #الجزائر #وثائق