@sha3er.m27: لە دەرەوە بێدەنگم، لە ناخەوە پڕ لە قسەم... 🥀 شەو دێت و هەموو شتێک بێدەنگ دەبێت، بەڵام بیرەکانم هەرگیز بێدەنگ نابن، خەڵک دەخەون و من لەگەڵ بیرەکانم بەئاگام، هەر شەوێک هەمان ئازار، هەمان خەیاڵ، هەمان دڵی شکاو... لە دەرەوە پێدەکەنم، وەک ئەوەی هیچم نییە، لەگەڵ خەڵک قسە دەکەم، وەک ئەوەی خۆشحاڵم، بەڵام کە تەنها دەبمەوە، هەموو شتێک دەگەڕێتەوە، ئەو هەستەی ساڵانێکە لە ناخمدا شوێنی گرتووە. جارێک پرسیارم لە خۆم دەکەم: ئایا ئەوەندە خۆشەویستی تاوانە؟ ئایا دڵێک کە بە پاکی خۆش بوێت، دەبێت هەمیشە بە بێدەنگی ئازار بچێژێت؟ من زۆر شتم نەویستووە لەم ژیانە، نە پارە، نە ناوبانگ، نە ژیانێکی پڕ لە خۆشی، تەنها دڵێکم دەویست کە تێم بگات، کە بزانێت لە پشت ئەم بێدەنگییە چەند قسەیەکی ماوە. پێنج ساڵ تێپەڕی، بەڵام هەستەکەم کۆن نەبوو، ڕۆژەکان گۆڕان، بەڵام بیرەکانم هەر هەمانن، ئەوان دەڵێن کات هەموو شتێک لەبیر دەبات، بەڵام بۆچی هێشتا دڵم ئەوەی لەبیر نەکردووە؟ باران دەبارێت و شەقامەکان بەتاڵن، منیش لە گوێشەیەکدا دانیشتووم و خەیاڵ دەکەم، خەڵک بە جووت جووت بە ڕێگادا دەڕۆن، من بە تەنها، بەڵام پڕ لە یادەوەرییەکانم. ئەوەندەی کوردستان تەنیام، ئەوەندەی شەوێکی بێ ئەستێرەم، ئەوەندەی ڕێگایەکی دوور کە کەس تێیدا نییە، ئەوەندەی دڵێک کە هەرگیز کەس پرسیاری لێ ناکات: چۆنی؟ خوایە، تۆ دەزانیت لە ناخمدا چی هەیە، تۆ دەزانیت چەند جار بە بێدەنگی قسەم لەگەڵ خۆم کردووە، ئەگەر خەندەکانم ببینیت، ڕەنگە پێت وابێت خۆشحاڵم، بەڵام تۆ تەنها دەزانیت لە پشت ئەو خەندەیە چی هەیە... من هێشتا هیوام هەیە بۆ ڕۆژێکی جوان، ڕۆژێک کە دڵم لە ئازار ئارام بگرێت، ڕۆژێک کە بەبێ فرمێسک بخەوم، و بەبێ بیرکردنەوە لە شەوێکی قورس هەڵبستم. تا ئەو ڕۆژەش دێت، هەر بەردەوام دەبم، نەک چونکە ئازارم نییە، بەڵکو چونکە هێشتا هیوایەکی بچووک لە دڵمدا ماوە... هیوای ئەوەی ڕۆژێک، دڵمیش وەک خەڵکی تر ئارام بگرێت. 🥀 #sheladze♥️👑_deralok_♥️sirye👑 #بەختیار_عەلی #foryou #m27 #🥀💔 #fyp

ᗰ²⁷🖤🥀

Open In TikTok:

Region: KZ

Monday 09 November 2026 19:57:03 GMT