@histor_ies: عتنتْ هي اعليه!.... واصلت وطياتها!.... دخلت مع البابْ!..... جبرت الندويه مزالت متواصلَه!.... و الحيه حاصرَه فمْ!.... كـاملَـه!..... ❤️! ............................... ......................................................................................... - انـهــار المــــروحْ - گلعت مـنـى حنتهـا .. 15h .. بـايـته تتحنَـى .. من البـارحْ .. ماتتْ ... الصيدات ألِ ايحـنوهَا ... رابياتْ .. بيهمْ التـقنـه .. بالسيفْ يحركوُ ... و مجلسهمْ طايب .... معَ ذاك ... و ايبندوُ ... سهروُ ليـلَـه تـامَــه !... اعل الهول ... و ريحةْ ميسوُ ... و شي يطربْ .. و يشرح لخـلگاتْ!... و شفرتهمْ املي مـنـى ... عروگيه ... الا اتصب ... و ذاك ماهُ افيلحْ ... الين يخلط مع اسكوتشْ ... ايعود الا لهـانَـه ... دارولهـا افــاريـنْ!.... يبسوهْ اعل ايـدهـا الثانيه .... سابگ تتـمسْ ... و اعـــل كرعيهــا .... كـانـوُ ايـخفْ .. يغير تمت الا ابـ حالتها املي .. طبيـعـه فيها وتوفْ ... عگبوُ تمو يكحزوُ امعاها ... ايگوموُ و ايطيحوُ ... الين تقـنـوُ حنتهـا!... و مرضت باط .. بيها التعب ... و بات اعليها اصفـاگْ الــمـانـعْ !!... هي عايده من اهلوُ لكبار ... و الصيدات بيـتوهـا تحت اكليماتيزيرْ ... بيهم الحمان .. زمن لخريف عايد ماهُ ساوي ... و گلتها فيه صعيبه .. اشگال فالحنه ... و اعل ايدين اعروص عروگيه املي ... فـوگ ذاكْ ... باتت بعد متألمه ... و صبحت ما ارخـاهَـا ... إلَ بـعدْ اگليع الحنه ... و حاسه اعلن الصيده امهدتها ... حسبتها لاحـگـه ... ذيك فترتها ... و الا الين دخلت الدوش ... جبرتها منطلسه اعليها .. اتمووونكتْ ... فرحت ... انطرحت ... عن ذاك من الخلـعـه ... كـان خـالــگـلهَــا !!... خالعها المروح كانت ... و خالعها يُوسفْ ... اليـنْ مــاهُ اشــويْ!.... تعرف اعلنو يجمعلها ... اعل ذاك من تبرادْ لخلاگْ ... فعلتْ فيـهْ .... امقرشَه اعلن نيـةُ فيها شينه ... و حاكملها ياسر من شـيِ بــاطْ !!... يـتحـرَى بيه يتمكن منها ... يستخلى بيها ... و يـتبـاگـاوْ اوحـدهمْ!... و ذاك هي ما عندْهَا لو شي ... تختير تعطي وياه ايام و لـيـالـيِ!... ماهُ گاد ايبرد فيها لخلاگ ... الين تستوعبْ ... و تتواجهلها لامتهمْ ... اتمونكت بعد ... و ظحكت املي ... بيها شين ميمونْ يُوسفْ الخير ... و عودانوُ الليله بايت افـ لخلَى ... و تالبـاتـهـا لــيــالـيِ اخـــراتْ !!.... گادت حالهَا ... ظلمت البيت .... اتكات ... ماهِ خالگه بيها المرثّـه ... و اوجيع لعظامْ ... لبستْ امبدوُ ... تـدفَى بيـهْ ... و قمظت عينيها ... البارح ما رگدت ... الا الين ترج اشوي .... ايگومْ اصفاگها يلويهــا!... وللّ توعى اعل ظحك الصيداتْ ... و بنـدتهمْ ... و حمانْ هـولهمْ!... ما اتراعي افـ شي ... ميته ... سكنت افـ ذيك الظلمَه ... و رگـدتْ !.... ________________ سـابگْ ذاكْ .... 11h : 05 .... گاعد المهدي ... طارح عكازوُ احذاه ... فـالصالحينْ ... امعاه عمارْ ... واگف ايخرصوُ ... و هو عند اقبرْ صاحبوُ ... خـالدْ ... يقبـدْ عـنـدوُ ... و قبادوُ باط زين ... ايدگدگْ لگلوبـه ... و مولاهْ متواعظْ .. متـأثـرْ ... ارگيگَه عندوُ ذي الدنيا .. بيه گلت اتواليها ... و عودانـها فـيـافـيِ ... صاحبوُ هو اقرينوُ ... شاب اسقير ... انتيجوُ ... اصحيح كان و مانعْ ... و رافد اهلوُ فـ ايدوُ ... و افـ مُقتبل العمر ... كيف كل واحد منهمْ!... يـتمنـى ألِ يتمـناوْ كان ... اعلنو ايتم مع اهلوُ ... ايراعــيِ فيـهمْ!... و ايراعوُ فيه ... و ما اصحابوُ ... و شقلةُ صالحه ... و مسـتـقل بيها .. و يتمنى يتخيم ... مع امره يبغيهَـا .... و يجبر مـنهـا اولــيـــداتْ !... يعگب اعليهم ... و ايعيش بينهمْ ... و بين امـوُ و بوه .. و اخواتوُ ... يغير الأجل محتوم وتوفْ.. و لعمر ما ايزيدْ ابـ يوم .. و لا ينگص بيه .. اراعيه بين القبور ... ما عندوُ حول و لا قوة ... انـطـوَى ملفوُ فـاتْ ... اوفى .... خلى ذاك كامل فـ اگفاهْ ... و امرگ الحياةْ ... و مـرگـتــوُ!.... فوت المهدي شيِ يگرَى القُرآنْ ... الين اوفّى ... اتل ايوفي و يدعي ... و يطلبلوُ الرحمه ... ما كان حاكموُ عن زيارةُ .. يكون اعلنوُ ماهُ گادْ ... و ظرك الين ابراه الله ... ما اتلَ لاهِ يگعد عنوُ ... و عن زيــارةُ !!.... الين فوت شيِ ... اسكت ... دنكس ... و اعصر عينيه .. امقمظهمْ ... و عمار ايخرصوُ ... متأثر هو زاد ... يعرف عايد گدْ صحبتهمْ كانوُ!... يعرف اعلنهم اعظم ابلا مفصلْ ... و صحبتهمْ من شي حگْ باطْ!... يغير الموت اعل كل رگبة ... جايه لا محال ... ما نافع فيـهـا شـيِ!... كرسع احذاه ... اطرح ايدوُ اعل كتفوُ ... رگب المـهـدِي راصــوُ!.... عينيه حمرْ ... ماهُ متكلمْ ... ماهُ گاد گاعْ ... اتخطى اعليهمْ زمنْ ... لايك❤️ #tiktokviral #tiktok @TikTok

گــالــعْتُ 😝❣️

Open In TikTok:

Region: MR

Monday 09 November 2026 20:18:15 GMT