Një situatë shqetësuese është denoncuar në zonën e ish-Kënetës në Durrës, ku grumbuj të mëdhenj mbeturinash janë kthyer në një problem serioz për banorët e zonës. Pamjet e mbërritura në redaksinë e Piranjat news tregojnë mbeturina të hedhura në mënyrë të pakontrolluar, të shpërndara në një hapësirë të konsiderueshme. Sipas denoncimit, situata paraqitet alarmante në Lagjen 17, në rrugën “Drenica”, ku era e rëndë që përhapet nga mbeturinat e bën edhe më të vështirë jetesën për banorët. Qytetarët shprehen të shqetësuar për rrezikun që paraqet kjo ndotje për shëndetin publik, duke e cilësuar zonën si një burim të mundshëm infeksionesh. Banorët kërkojnë ndërhyrjen urgjente të institucioneve përgjegjëse për pastrimin e zonës dhe marrjen e masave që kjo situatë të mos përsëritet. #piranjat #piranjatnews #durres - @piranjatnews