@abantenews: BABALA, SENSITIBO ANG MAPAPANOOD AT MAY MGA LENGGUWAHE NA HINDI ANGKOP SA MGA BATA BATA GUMAPANG SA KALSADA Isang bata na gumagapang sa gitna ng kalsada ang agad na nailigtas ng dalawang sakay ng motorsiklo matapos nila itong mapansin sa kahabaan ng West Avenue, Quezon City. Viral ngayon sa Facebook ang video ng uploader na si Blake Tan, na nagsabing nangyari ang insidente bandang alas-11 ng gabi noong Linggo, Nobyembre 8. Kuwento niya, pauwi na sila ng kaniyang kaibigan nang mapansin ang isang tila gumagalaw sa kalsada na noong una ay inakala umano nilang aso o pusa. Ngunit nang makalapit, nagulat sila nang matuklasang isang bata pala ang gumagapang sa daan. Dahil sa pangambang masagasaan ang bata ng mga dumaraang sasakyan, agad silang huminto, bumaba sa motorsiklo at inilayo ito sa kalsada. Doon nila nalaman na anak pala ito ng isang lalaking homeless na agad ding lumapit sa kanila dahil nawala umano ang anak nito sa kanilang kariton. Hinala ng dalawang rider, nagising ang bata at nang mapansing wala sa tabi nito ang ama ay sinubukan nitong hanapin sa pagtawid sa kalsada nang gumagapang. Nagpasalamat naman ang ama sa dalawang sakay ng motorsiklo sa pagkakasagip sa kanyang anak mula sa posibleng aksidente. | via Angelica Malillin, Abante News

Abante News

Open In TikTok:

Region: PH

Tuesday 10 November 2026 01:54:04 GMT