@stan.kz: Түркістандағы сауда орталығында әйелмен төбелескен қыз кәмелетке толмаған болып шықты. 7 қарашада Turan Mall сауда орталығының балалар алаңында болған жанжалға қатысқан жасөспірім өз нұсқасын айтып берді. Оның сөзінше, жанжал басқа баланың добы кішкентай балаға тиіп кеткеннен басталған. Бала допты жасөспірім лақтырды деп ойлаған. Кейін анасы келіп, жасөспірімді балағаттап, жұлқылай бастаған. "Мен жағдайды түсіндіріп, кешірім сұрадым. Бірақ мені тыңдаған жоқ. Желіде тараған видео оқиғаның тек соңғы бөлігі. Мен агрессивті әйелден қорғандым", – деді ол. Желі қолданушыларының көбі жасөспірімді қолдап, ересек әйелдің әрекетін сынға алды. Бұған дейін полиция жанжалға байланысты қылмыстық іс қозғалғанын хабарлаған. Қазір оқиғаның мән-жайы анықталып жатыр.