@millardayo_: Mwanaume mmoja mwenye umri wa miaka 47 Nchini China ametumia mashine aina ya excavator kubomoa sehemu za jengo la kituo cha huduma za Serikali, akidaiwa kuchukua hatua hiyo kutokana na kutoridhishwa na fidia aliyolipwa baada ya shamba lake la ufugaji kubomolewa, tukio hilo limetokea Novemba 9, 2026, katika eneo la Fengdong, China. Kwa mujibu wa taarifa za vyombo vya habari nchini humo, mwanaume huyo alitumia mashine hiyo kuharibu sehemu ya mlango mkuu, ngazi, vioo na miundombinu mingine ya jengo hilo, zoezi hilo lilidumu kwa takribani saa moja huku Wafanyakazi na Wananchi waliokuwa ndani ya jengo wakihamishwa haraka ili kuepusha madhara. Hata hivyo, inaripotiwa kuwa zaidi ya maeneo sita ya miundombinu yaliharibiwa huku, Polisi wa Xixian wakithibitisha kumkamata Mtuhumiwa huyo aliyetambuliwa kwa jina la ukoo Hu na kueleza kuwa hakuna Mtu aliyejeruhiwa wala kupoteza maisha katika tukio hilo. #MillardAyoUPDATES

millardayo

Open In TikTok:

Region: TZ

Tuesday 10 November 2026 06:53:32 GMT