@xeberci_es_: 🇦🇿🇹🇷 Noyabrın 10-da Türkiyə Cümhuriyyətinin qurucusu Mustafa Kamal Atatürkün anım günüdür. Atatürkün xatirəsi Azərbaycanda da müxtəlif abidə, park, küçə və təhsil müəssisələrində yaşadılır. Bakıda 2001-ci ildə Heydər Əliyevin sərəncamı ilə Azərbaycanda Atatürk Mərkəzi yaradılıb. Mərkəzin rəsmi açılışı 2004-cü il aprelin 10-da keçirilib. 2010-cu il mayın 17-də Bakıda Mustafa Kamal Atatürkün abidəsinin açılışı olub. Mərasimdə Azərbaycan Prezidenti İlham Əliyev və Türkiyənin o zamankı Baş naziri Rəcəb Tayyib Ərdoğan iştirak ediblər. İlham Əliyev həmin mərasimdəki çıxışında Atatürk haqqında belə deyib: “Böyük dövlət xadimi, böyük sərkərdə, böyük siyasətçi Mustafa Kamal Atatürk Azərbaycan xalqının qəlbində böyük iz buraxmışdır”. Prezident, həmçinin Atatürkün Azərbaycan xalqına münasibətini xüsusi vurğulayıb və onun xatirəsinin ölkəmizdə daim ehtiramla yad edildiyini bildirib. Hazırda Bakıda Atatürkün adını daşıyan Atatürk prospekti və parkı, Türk Dünyası Bakı Atatürk Liseyi, eləcə də onun abidəsi yerləşir. Paytaxtda fəaliyyət göstərən Azərbaycanda Atatürk Mərkəzi də onun irsinin araşdırılması və təbliğinə xidmət edir. Naxçıvan şəhərində də Mustafa Kamal Atatürkün abidəsi və onun adını daşıyan küçə mövcuddur. Bundan başqa, Azərbaycanın müxtəlif bölgələrində Atatürkün adını daşıyan küçə və digər məkanlara rast gəlinir. Qeyd edək ki, Atatürkün adı Azərbaycan-Türkiyə münasibətlərinin tarixi və mədəni yaddaşında xüsusi yer tutur.

xəbərçi_es

Open In TikTok:

Region: AZ

Tuesday 10 November 2026 09:15:27 GMT