இவருடைய காணொளியை நானும் பார்த்துள்ளேன்… இறக்க போகிறோம் என தெரிந்தும்… முகமலர்ச்சியோடு, விழிப்புணர்வு காணொளிகளை பதிவு செய்தி வந்தார்… அவ்வளவுதான் இவருக்கு உலக வாழ்க்கை…😭 ஆழ்ந்த இரங்கல்…😭 ———————————————————————- பட்டிமன்ற பேச்சாளரும், சமூக ஊடக பிரபலமுமான ராஜஸ்ரீ ஜெய்சன் (Rajashree Jaison), புற்றுநோய் பாதிப்பு காரணமாகத் தனது 36வது வயதில் காலமானார். கடந்த 5 ஆண்டுகளுக்கும் மேலாக மூளை மற்றும் தண்டுவடம் சார்ந்த 4ஆம் கட்ட (Stage 4) புற்றுநோயுடன் போராடி வந்தார். தீவிர சிகிச்சை பெற்று வந்த நிலையில், சிகிச்சை பலனின்றி அவர் உயிரிழந்தார். புற்றுநோயின் தீவிர பாதிப்பால், இறப்பதற்கு சில மாதங்களுக்கு முன்பு அவர் தனது பேசும் குரலை இழந்தார். இது குறித்து அவர் வெளியிட்ட கண்ணீர் மல்கிய வீடியோ சமூக வலைத்தளங்களில் பலரையும் நெகிழ வைத்தது. புற்றுநோயுடன் போராடிய காலத்திலும், இன்ஸ்டாகிராம் மற்றும் பேஸ்புக் போன்ற சமூக வலைத்தள பக்கங்களில் தொடர்ச்சியாக தன்னம்பிக்கை மற்றும் ஊக்கமளிக்கும் (Motivational) வீடியோக்களை வெளியிட்டு பலருக்கு முன்மாதிரியாகத் திகழ்ந்தார். அவரது இந்த திடீர் மறைவுச் செய்தியைக் கேட்டு சின்னத்திரை பிரபலங்கள், சக பட்டிமன்ற பேச்சாளர்கள் மற்றும் அவரது சமூக வலைத்தள ரசிகர்கள் பலரும் ஆழ்ந்த இரங்கலைத் தெரிவித்து வருகின்றனர். - @eastystephen