@naxcivanelitasi: 🇦🇿 İMANOV ƏFQAN İSMAYIL OĞLU Azərbaycan Respublikası Daxili İşlər Nazirliyinin Polis Akademiyası xidmət və döyüş hazırlığı üzrə rəisi, polis polkovniki İmanov Əfqan İsmayıl oğlu 1976-cı ildə Naxçıvan Muxtar Respublikasının Culfa rayonunda anadan olmuşdur. 1993-cü ildə Cəmşid Naxçıvanski adına Hərbi Liseyi bitirmişdir. Hərbi təhsilini davam etdirərək 1993–1997-ci illərdə Türkiyə Respublikasının “Kara Harp Okulu”nda, 1997–1998-ci illərdə isə “Eğirdir Dağ Komando Okulu” və “Piyada Okulu”nda təhsil almışdır. 2003–2004-cü illərdə Silahlı Qüvvələrin Hərbi Akademiyasında dinləyici olmuşdur. 1998-ci ildə hərbi xidmətə başlayan İmanov Əfqan İsmayıl oğlu sonrakı illərdə məsul vəzifələrdə çalışaraq zəngin hərbi və idarəçilik təcrübəsi qazanmışdır. 1998–1999-cu illərdə Müdafiə Nazirliyinin “N” saylı hərbi hissəsində xüsusi təyinatlı taqım komandiri, 1999–2002-ci illərdə Bakı Ali Birləşmiş Komandanlıq Məktəbində kursantlar taqımının komandiri, 2002–2003-cü illərdə Azərbaycan Ali Hərbi Məktəbində kursant bölüyünün komandiri vəzifələrində xidmət etmişdir. 2003–2014-cü illərdə Müdafiə Nazirliyinin Kəşfiyyat İdarəsinin tərkibində olan “N” saylı hərbi hissədə müxtəlif vəzifələrdə fəaliyyət göstərmişdir. 2014-cü ildə Azərbaycan Ali Hərbi Məktəbinin Elmi Tədqiqat bölməsinin rəisi, 2014–2015-ci illərdə Naxçıvan Muxtar Respublikasında Əlahiddə Ümumqoşun Ordusunun Xüsusi Təhlükəsizlik xidmətinin rəis müavini, 2015–2016-cı illərdə “N” saylı motoatıcı briqada komandirinin birinci müavini – qərargah rəisi vəzifələrində xidmətini davam etdirmişdir. 2016-cı ildə Silahlı Qüvvələrin Hərbi Akademiyasının Diplomatiya kursu rəisinin müavini, 2022–2023-cü illərdə isə Daxili Qoşunların Ali Hərbi Məktəbində qərargah rəisinin müavini vəzifələrində çalışmışdır. Uzunillik xidmət fəaliyyəti ərzində üzərinə düşən məsul vəzifələri layiqincə yerinə yetirmiş, dövlət əhəmiyyətli bir sıra xüsusi tapşırıqların icrasında iştirak etmişdir. Xidmətləri Azərbaycan dövləti tərəfindən yüksək qiymətləndirilmiş, Azərbaycan Respublikası Prezidentinin 25 iyun 2009-cu il tarixli 351 nömrəli Sərəncamı ilə “İgidliyə görə” medalı, eləcə də “Qüsursuz xidmətə görə” 3-cü, 2-ci və 1-ci dərəcəli medallarla, Azərbaycan Respublikası Silahlı Qüvvələrinin 10, 90 və 95 illik yubiley medalları ilə təltif edilmişdir. 30 oktyabr 2023-cü ildən etibarən Azərbaycan Respublikası Daxili İşlər Nazirliyinin Polis Akademiyası rəisinin xidmət və döyüş hazırlığı üzrə müavini vəzifəsində xidmətini davam etdirir. Hərbi sahədə qazandığı zəngin təcrübə, müxtəlif məsul vəzifələrdə fəaliyyəti və dövlət xidmətinə həsr etdiyi illər İmanov Əfqan İsmayıl oğlunun peşəkar fəaliyyət yolunun əsas göstəricilərindəndir. Naxçıvan torpağının yetirməsi olan Əfqan İsmayıl oğluna şərəfli xidmət yolunda uğurlar, möhkəm cansağlığı və gələcək fəaliyyətində yeni nailiyyətlər arzulayırıq! 🇦🇿 NAXÇIVANELİTASİ – Böyük torpaqdan böyük insanlar!

𝐍𝐀𝐗𝐂𝐈𝐕𝐀𝐍𝐄𝐋İ𝐓𝐀𝐒𝐈

Open In TikTok:

Region: AZ

Tuesday 10 November 2026 12:37:53 GMT