@turkistan_qogam.kelisim: ТҮРКІСТАНДА «БӘРІМІЗГЕ ОРТАҚ ӘЛЕМ» АТТЫ ТАҒЫЛЫМДЫ ІС-ШАРА ӨТТІ Түркістан қаласындағы «Достық үйінде» «Бірлігіміз – әралуандықта» жобасы аясында «Бәрімізге ортақ әлем» тақырыбында мазмұнды іс-шара ұйымдастырылды. Басқосудың басты мақсаты – қоғамдық келісім мен этносаралық татулықты нығайту, мәдени әралуандықты дәріптеу, ортақ құндылықтар төңірегінде азаматтық бірлікті қалыптастыру және қоғамдағы ізгі бастамаларды қолдау. Іс-шараға Түркістан облысының қоғамдық даму басқармасының басшысы Жанар Бектаева қатысып, алғашқы сөзінде ел бірлігі мен қоғамдық келісімнің маңыздылығына тоқталды. Сонымен қатар өңірдегі этносаралық татулықты нығайтуға үлес қосқан азаматтарды Алғыс хаттармен марапаттап, «Бірлікке үн қосқан» республикалық этномәдени бірлестіктер фестивалінің жеңімпаздарына арнайы дипломдар табыстады. Жиын барысында Қожа Ахмет Ясауи атындағы Халықаралық қазақ-түрік университетінің вице-ректоры Еділ Төлегенов пен Сайрам аудандық неміс этномәдени бірлестігінің жетекшісі Александра Утвенко құттықтау сөз сөйлеп, ынтымақ пен өзара құрметтің қоғам дамуындағы рөліне тоқталды. «Қоғамға қосқан үлесім» тақырыбында өткен тәжірибе алаңында Райымжан Қошқаров, Әсел Бимырзаева және Шарафжон Файзиев қайырымдылық, еріктілік, әлеуметтік жобалар мен қоғамдық бастамаларға қатысу тәжірибелерімен бөлісті. Кездесудің көркемдік жалғасы ретінде «Бірлікке үн қосқан» республикалық фестивалінің жеңімпаздары өнер көрсетіп, ән мен би арқылы достықты, мәдени үндестік пен ортақ Отанға деген сүйіспеншілікті дәріптеді. Бір шаңырақ астында ұйысқан елдің басты байлығы – бірлігі мен татулығы. Ұлты мен мәдениеті әртүрлі болғанымен, мақсаты ортақ азаматтардың ізгі істері қоғамдағы ынтымақты нығайтып, жарқын болашаққа жол ашады. Біздің күшіміз – бірлікте, байлығымыз – әралуандықта! #БірлігімізӘралуандықта #БәрімізгеОртақӘлем #ҚоғамдықКелісім #Түркістан

turkistan_qogam.kelisim

Open In TikTok:

Region: KZ

Tuesday 10 November 2026 13:17:55 GMT