@drmohsmadi: ليش لما تكون مكتئب، بتتذكر كل المواقف السيئة اللي صارت معك، وبتنسى كل الأشياء الحلوة؟! 💔 ممكن موقف صار معك من سنين يرجع فجأة على بالك، وتبلّش تعيد تفاصيله، وتتذكر كل كلمة انحكت، وتحس بنفس الوجع وكأنه صار اليوم! السبب إنه الاكتئاب ممكن يأثر على طريقة استرجاعك للذكريات وتفسيرك إلها، وبيزيد عند بعض الأشخاص التركيز على التجارب السلبية بدل الإيجابية. بعلم النفس، في مفهوم اسمه التحيز للذكريات السلبية (Negative Memory Bias)، واللي بخلي الذكريات المؤلمة تكون أكثر حضورًا وتأثيرًا على تفكيرك ومشاعرك. وبتدخل بدائرة متعبة: بتتذكر موقف سيئ، بتلوم حالك، بتحس بالذنب، وبترجع تفسّر حياتك كلها من خلال هالموقف! لكن تذكّر: مش كل إشي بتفكر فيه وإنت مكتئب بعكس الحقيقة كاملة، ومش كل ذكرى مؤلمة بتحدد قيمتك أو مستقبلك. الاكتئاب ممكن يغيّر نظرتك للماضي… فلا تخلي أسوأ ذكرياتك تختصر قصتك كلها. #د_محمد_الصمادي #الاكتئاب #الذكريات_السلبية #التحيز_السلبي #جلد_الذات