@almecky_tz: Tanzania na Oman zimeweka lengo la kuongeza thamani ya biashara kati ya nchi hizo kutoka Dola za Marekani milioni 389 za sasa hadi Dola bilioni moja ifikapo mwaka 2030. Lengo hilo limetangazwa na Waziri wa Mambo ya Nje na Ushirikiano wa Afrika Mashariki, Balozi Dkt. Mahmoud Thabit Kombo, baada ya nchi hizo kusaini mikataba 14 ya ushirikiano katika sekta mbalimbali za maendeleo. Kombo amesema mikataba hiyo inalenga kuongeza fursa za biashara na uwekezaji pamoja na kuimarisha uhusiano wa kiuchumi kati ya Tanzania na Oman. Aidha, amesema Oman imetoa ufadhili wa masomo 160 kwa Watanzania katika nyanja mbalimbali za elimu ili kuongeza fursa za kielimu na ujuzi wa wataalamu nchini. Kwa upande wake, Katibu Mkuu wa Wizara ya Maji, Nishati na Madini Zanzibar, Joseph John Kilangi, amesema ushirikiano huo unatarajiwa kuinufaisha Zanzibar katika sekta ya nishati kupitia utaalamu na uzoefu wa Oman. Mikataba hiyo imesainiwa katika Mkutano wa Tatu wa Kamati ya Pamoja ya Ushirikiano kati ya Tanzania na Oman uliofanyika Zanzibar. #Zanzibar #Tanzania #Habari #Football #Trending

almecky_tz

Open In TikTok:

Region: TZ

Tuesday 10 November 2026 16:18:54 GMT