@abantenews: KAMPO NI VP SARA DISMAYADO SA ISTILO NG PAGTATANONG NG ILANG SENATOR-JUDGES SA MGA TESTIGO NG DEPENSA Inamin ni Atty. Paolo Panelo, tagapagsalita ni Vice President Sara Duterte, na dismayado siya sa istilo ng pagtatanong ng ilang senator-judges sa mga testigo ng defense panel sa loob ng dalawang araw na paglilitis ng impeachment court. Ayon kay Panelo, aminado siyang marami sa mga senator-judges ay hindi abogado, ngunit iginiit niyang dapat nauunawaan ng mga ito kung alin ang may kaugnayan o hindi sa mga isyung tinatalakay sa impeachment trial. Pinayuhan din ng abogado ang mga senador na kontrolin ang kanilang sarili sa pagtatanong at tiyaking nakatuon lamang sa mahahalagang usapin upang hindi malihis ang paglilitis sa pangunahing isyu. Ipinaliwanag ni Panelo na ang pangunahing tanong na dapat sagutin ay kung mayroon bang nakatagong yaman si VP Sara na hindi idineklara sa kanyang Statement of Assets, Liabilities, and Net Worth (SALN). Aniya, malinaw umanong nasagot ng dalawang City Assessor mula sa Davao City at Samal Island na ang mga property ni VP Sara at ng kanyang asawang si Atty. Manases Carpio na nakasaad sa SALN ng bise presidente ay ang mga property na tinutukoy ng prosekusyon na umano'y hindi naideklara. Dagdag pa ni Panelo, naipaliwanag din umano ni Davao City Accountant Vingelin Bajan na hindi double compensation ang sahod na natanggap ni VP Sara noong 2023, kundi salary differential para sa 2020 at 2021 noong alkalde pa ito ng Davao City. | via Jojo Sicat, Abante News

Abante News

Open In TikTok:

Region: PH

Tuesday 10 November 2026 16:29:13 GMT